Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
POLITIKE
Paralajmërimet nga Brukseli për integrimin, Rama: Nuk kemi qenë kurrë me afër BE-së!
PiranjatPërditësimi i fundit 22 Prill 2026, 19:07
Edi Rama ka deklaruar këtë të mërkurë se Shqipëria është më pranë BE-së.
Edhe pse kanë ardhur paralajmërime nga Brukseli për bllokim të integrimit, për shkak të korrupsionit e sistemit të drejtësisë, për Edi Ramën, jemi në kohët më të mira.
Nga Forumi Ekonomik i Delfit në Greqi, Rama ka vijuar me propagandën duke deklaruar se Bashkimi Evropian nuk ka qenë kurrë më i vetëdijshëm për rëndësinë e Shqipërisë për peizazhin gjeopolitik.
Sipas tij, jemi në kohët më të mira që kemi jetuar ndonjëherë.
“Kam ndjesinë se jemi në kohët më të mira. Dëshiroj të jem shumë i qartë, Ballkani Perëndimor. Jemi në kohët më të mira. Nuk kemi qenë kurrë më afër Bashkimit Evropian. Bashkimi Evropian nuk ka qenë kurrë më i vetëdijshëm për rëndësinë tonë për peizazhin gjeopolitik. Ne kemi më shumë dukshmëri në shumë mënyra në dekadën e fundit. Kjo është bërë normale, por nuk ka qenë aspak normale të flasim dhe të bashkëpunojmë me njëri-tjetrin. Dua t’ju kujtoj që u ulëm rreth tavolinës të gjashtë liderët e Ballkanit Perëndimor për herë të parë në histori, vetëm në vitin 2014, në Berlin. Pra, jo, nuk jemi të harruar. Jo, jemi në kohën më të mira që kemi jetuar ndonjëherë”,- ka deklaruar Rama.
