Partia Aleanca e Maqedonasve u largua nga koalicioni, Berisha: Sa ç'është i vjetër njeriu është edhe tradhtia

TIRANA- Kreu i Partisë Demokratike Sali Berisha është pyetur nga gazetarët në hyrje të selisë blu lidhur me largimin nga koalicioni të partisë "Aleanca e Maqedonasve për Integrimin Europian" me drejtues Vasil Sterjovski. Berisha shkurtimist e ciliësoi si tradhëti duke thënë:"Sa ç'është i vjetër njeriu është edhe tradhtia”.

Partia "Aleanca e Maqedonasve për Integrimin Europian" me drejtues Vasil Sterjovski njoftoi këtë të mërkurë largimin nga koalicioni zgjedhor "Aleanca për Shqipërinë Madhështore". Përmes një shkrese zyrtare dërguar kreut të KQZ-së, Ilirjan Celibashit, Sterjovski i kërkoi çregjistrim nga koalicioni i Berishës, sakaq burime bëjnë me dije se kjo parti do të garojë në listën e hapur të Partisë Socialiste në Qarkun e Korçës.

Mësohet se Sterjovski kishte kërkuar që të ishte pjesë e listave të PD-së në Korçë në listën e mbyllur, por kjo nuk është pranuar nga Sali Berisha dhe si rrjedhojë ai ka kaluar në krahun tjetër, duke iu bashkuar Partisë Socialiste. Pak orë para afatit përfundimtar të dorëzimit të listave të kandidatëve në KQZ, ai ka arritur një marrëveshje me Partinë Socialiste, duke siguruar një vend në listën e Qarkut të Korçës.

pd