PD e vulës prezanton programin elektoral, Basha: Qeveria është kapur në flagrancë nga drejtësia! Shqipëria meriton zgjidhje

Takimi

TIRANË- Partia Demokratike e vulës ka organizuar sot një konventë për të prezantuar programin elektoral një vit para zgjedhjeve të 2025, me sloganin “Shqipëria meriton më shumë”. Gjatë fjalës ë tij Lulzim Basha u shpreh se Shqipëria nuk është zbrazur vetvetiu dhe as çmimet nuk u rritën vetvetiu. Sipas tij të gjitha erdhën sepse vendi keqqeveriset në mënyrën më të papërgjegjshme.

Basha më tej shtoi se qeveria është e kapur në flagrancë nga drejtësia, shqiptarët e partnerët.  Ai shtoi se shqiptarët meritojnë zgjidhje ndërsa shtoi se nga e hëna PD angazhohet në një dialog me dhe për familjet shqiptare.

“Nuk ka qenë e lehtë për shumë nga ju të vini në kohë këtu sepse trafiku dhe parkingu në Tiranë janë një ferr i vërtetë. Njësoj si transportin e ka pushtuar ngecja në vend, kështu i ka ndaluar ora Shqipërisë në këto 11 vitet e qeverisjes më të korruptuar të këtyre 34 viteve.

PD është e vetmja forcë politike që organizon një kuvend të mirëfilltë programor sepse jetojmë me hallet e demokratëve dhe qytetarëve. Shqipëria nuk është zbrazur vetvetiu, as çmimet nuk u rritën vetvetiu. Të gjitha erdhën sepse vendi keqqeveriset në mënyrën më të papërgjegjshme. Një qeveri e kapur në flagrancë nga drejtësia, shqiptarët e partnerët.

Shqiptarët meritojnë zgjidhje, ne jemi për t’i shpalosur sot këto zgjidhje. PD e vetmja forcë politike që është në kontakt me qytetarët, vjen me një përfaqësim të plotë me ekspertë të cilët prej më shumë se një vit në bashkëpunim me ekspertë të aleatëve, nga SHBA te Gjermania, kanë krijuar programin. Nga e hëna PD angazhohet në një dialog me dhe për familjet shqiptare”, tha ai.

basha pd e vules