Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Përdorimi i AI në zgjedhjet, Gonzato: Bashkimi Europian ka krijuar një nga kuadrot më gjithëpërfshirës digjitalë
PiranjatPërditësimi i fundit 17 Tetor 2025, 15:04
Bashkimi Europian mbështet përdorimin e teknologjisë nga Komisioni Qendror i Zgjedhjeve, por kërkon që modernizimi i sistemit zgjedhor të vazhdojë me edukimin e zgjedhësve dhe infrastrukturën e nevojshme për menaxhimin e rezultateve.
Ambasadori i BE-së në Shqipëri, Silvio Gonzato, theksoi rëndësinë e transparencës në zgjedhje dhe vlerësoi angazhimin e palëve politike në reformat zgjedhore. Ai njoftoi se do të krijohet një komision i përbashkët parlamentar për reformën zgjedhore dhe nisma të tjera për të vlerësuar mjedisin ligjor që ndikon në zgjedhje. Gonzato inkurajoi një proces gjithëpërfshirës dhe të udhëhequr nga OSBE-ODIHR dhe Komisioni i Venecies.
Ai gjithashtu vlerësoi hapat e ndërmarrë nga KQZ për të rritur transparencën dhe efikasitetin e procesit zgjedhor. Për BE-në, reformat zgjedhore dhe digjitale janë të rëndësishme për përmbushjen e angazhimeve të Shqipërisë si shtet anëtar i BE-së.
Gonzato theksoi gjithashtu mundësitë dhe rreziqet që vijnë nga digjitalizimi, si manipulimi i mundshëm përmes Inteligjencës Artificiale dhe dezinformimi, duke nënvizuar nevojën për mbrojtje ligjore të qytetarëve dhe ruajtjen e besimit në institucionet demokratike.
Në fakt do të krijohet së shpejti një komision i përbashkët parlamentar për reformën zgjedhore, së bashku me nisma të tjera që kanë për synim për të vlerësuar mjedisin e përgjithshëm, jo vetëm kuadrin ligjor që mund të ndikojë në fushën e zgjedhjeve, siç e ka rekomanduar OSBE-ODIHR. Është kuptuar se ekziston nevoja për t’u përballur me sfidat e së shkuarës dhe të së ardhmes. Ne në BE i mirëpresim të gjithë këta hapa dhe inkurajojmë që të ketë një proces gjithëpërfshirës të bazuar në fakte, të udhëhequr nga OSBE-ODIHR dhe nga rekomandimet e Komisionit të Venecies.
KQZ ka ndërmarrë hapa të rëndësishme për një analizë pas zgjedhjeve me propozime pë të fuqizuar transparencën, efikasitetit në proceset e ardhshme zgjedhore. Ne i mbështesim plotësisht këto propozime. Reformat zgjedhore dhe digjitale janë pjesë e angazhimeve për t’u bërë shtet anëtar, pjesë e Grupkapitullit 1 – çështjet themelore, dhe kontribuojnë në mënyrë të drejtpërdrejtë te Udhërrëfyesi për funksionimin e institucioneve demokratike, ku theksohet rëndësia e zgjedhjeve transparente, qeverisja me llogaridhënie dhe pjesëmarrja e qytetarëve, që janë themelet e BE-së.
Digjitalizimi ofron mundësi të mëdha për pjesëmarrjen gjithëpërfshirëse, transparencën, por sjell edhe cenueshmërinë për manipulim që vjen nga Inteligjenca Artificiale, për dezinformimin dhe keqpërdorimin e të dhënave.
Bashkimi Europian ka krijuar një nga kuadrot më gjithëpërfshirës digjitalë, duke përfshirë ligjin për shërbimet digjitale, ligjin për lirinë e fjalës dhe të medies, ligjin për Inteligjencën Artificiale dhe së shpejti do të kemi një rregullore për transparencën dhe reklamat politike. Këto instrumente nuk krijohen vetëm për rregullimin e tregjeve, por janë krijuar për të mbrojtur qytetarët, për të siguruar konkurrencën dhe për të ruajtur besimin te institucionet, që është thelbësore për proceset zgjedhore.
