Përgjimet/ Veliaj pyet Ajola Xoxën për "fatin" e Etjen Xhafajt: Ç'po ndodh mes tij dhe KM? Bashkëshortja e tij: Kam marrë vesh që ka tension

TIRANA- Pjesë të tjera të përgjimeve kanë dalë ditën e sotme nga burgu i Durrësit, ku ndodhet kryebashkiaku i Tiranës Erion Veliaj. Në disa përgjime të publikuara nga CNA, Veliaj pyet bashkëshorten e tij Ajola Xoxën për situatën e krijuar mes deputetit socialist Etjen Xhafaj dhe Kryeministrit Edi Rama nga deklaratat e bëra mbrëmjen e 1 marsit. Xoxa i thotë se ka marrë vesh se ka tensione, por shton se nuk di detaje. Veliaj i thotë bashkëshortes që "të marrë vesh" dhe të flasë me "redaktorin" për të martën. Mëposhtë parqiten dhe pjesë nga bisedat mes Erion Veliaj dhe të vëllait Arbër Veliajt rreth kësaj çështjeje.

Pjesë nga materialet e përgjimit:

Një ditë më pas, më 2 mars, “në orën 19:52 Erion Veliaj bisedon me Ajolën dhe e pyet se çfarë ka ndodhur ndërmjet Ramës dhe Etjenit, pasi ka dalë te lajmet dhe ka shkruar një status te chati i deputetëve ku thuhet se “Erjoni nuk mbrohet sikur je në kafe”, dhe i kërkon të investigojë pasi do ta telefonojë sërish, Erioni tregon se duhet ta dijë Arbëri dhe Fuga.

Në orën 20:16, Erion Veliaj bisedon me Ajolën, ku kjo e fundit tregon se Etjeni ka dalë në një emision, diçka e tillë, dhe ka bërë një mbrojtje siç është menduar ai, që Erjoni është i pafajshëm, duke mbajtur një qëndrim personal për të.

Gjatë komunikimit ndërmjet tyre, Erioni i tregon se Arbëri i ka sugjeruar që të mos shkojë në seancën e të martësve kërkon që të bisedojë me njerëzit pranë saj, pasi Erioni i thotë se i intereson që të debatojë me ata të dy, sepse me Banin dhe me Olsin janë bërë hasha.

I kërkon që të bëjë me Maznikun, ose me Fugën që këta të pyesin Redaktorin dhe t'i japin një fedback nëse duhet të bëni luftën, duke qenë se seanca ka biseduar, regjistrimi i cili u duhet edhe për panjohur më tepër. Erioni i tregon se “ata” janë njerëzit për një seancë gjyqësore 30 minuta nëse do të jetë vetëm Ermiri si avokat, dhe nëse Erioni (ai) do të jetë në seancë do t'i mbajë jetë 3 orë me një fjalim pa fund për të gjitha çështjet.

Kërkon Ajolës që t'i printojë statuset që ka publikuar në rrjetet e tij me qëllim që të flasë për këtë në seancën e gjykimit. I thotë se nuk i ka printuar, e bën Albani në çast.

Vijon dhe kërkon që të pyesë Redaktorin se si duhet të veprojë për të martën. Më pas në komunikimin ndërhyn Arbër Veliaj, që thotë se duhet pyetur Redaktori nëse duhet të shkojë në seancë të martën dhe duhet të marrë për këtë.

Në një moment më delikat të qëndrojë në paraburgim, Erion Veliaj kontrollet të analizojë çdo lëvizje – deri në qoftë se duhet të vendoset në seancën e gjykimit. Frika për perceptimin publik, koordinimin me “Redaktorin” , përgatitja e një fushate simbolike me përfaqësuesit e feve dhe figurave mediatike – të gjitha dëshmojnë një strategji të menduar në detaje për të ndikuar opinionin publik në prag të vendimit të Apelit.

Bisedë me Arbër Veliaj

Erion : “A të duket mirë të shkoj në seancë të martën? Apo do të duket si shfaqje?”
Arbër : "Jo, mos shko. Këshillohu edhe me Redaktorin. Mund të interpretohet keq."
Erioni : “Do e mendoj me të gjithë. Nuk dua që po kërkoj.”

Bisedë me Ajola Xoxën

Erion : “Çfarë po ndodh me përplasjen mes Etjen Xhafajt dhe KM-së?”
Ajola : “Kam marrë vesh që ka tension, po s'di detaje.”
Erion : “Merr vesh dhe fol me Redaktorin për të martën.”

Ora 20:08 – Ndërhyrje e Arbrit në bisedë me Ajolën

Erion : "Fol me Klevisin e Burgjeve. Mund të vijë Mero, Ylli Manjani, Mondi, Ton Gogu, Sara, këdo dua të takoj. Jepini emrat, le të aprovojë."
Arbër : “E rregulloj. Do i them Admirit për numër.”

Erion : “Kam porosi për ta. Mund të vinë edhe përfaqësues të feve, veç t'i njoftojnë.”
Arbër : “Çdo ditë po merremi. Mos ki merak.”

Erioni për Arbrin

“Merre me median. Presioni duhet të qëndrojë. Nuk mund të lëshojmë javën e fundit. ”

erion veliaj