Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Perla e SPAK! Harron Ramën për ligjin "me porosi" që akuzon Ilir Metën
r.llPërditësimi i fundit 24 Tetor 2024, 11:07
edi rama, ilir meta
TIRANË- Ilir Meta ndodhet në burg dhe ish bashkëshortja e tij Kryemadhi akuzohet mes të tjerash se lobuan për një projektligj, për të cilin i ishte premtuar marrja e nje vile ne Rrolling Hills.
Sipas SPAK, biznesmeni Samir Mane i ka premtuar Ilir Metës dhe Monika Kryemadhit një vilë të ndërtuar në kompleksin Rolling Hills, në këmbim të miratimit apo ndryshimit të një ligji në fushën e Minierave, në të cilën kishte aktivitet edhe vetë biznesmeni.
Në shtjellimin mbi 10 faqe të prokurorëve (nga 145 që ka dosja) pretendohet se pavarësisht që vilën nuk e morën, Meta dhe Kryemadhi e mbajtën premtimin e tyre dhe e miratuan ligjin që kërkoi Samir Mane.
Lapsi.al ka hapur arkivat dhe ka vërtetuar se po ligjin për “Për sektorin minerar në Republikën e Shqipërisë” është votuar në tetor 2014. Por bashkë me të ka vërejtur se nga 72 votuesit e tij vetëm 20 deputetë ishin të LSI-së. Ligji ka kaluar me votat e socialistëve, i propozuar nga nje deputete rilindase, Esmeralda Shkjau dhe me bekimin e Edi Ramës, pa ok e të cilit ai nuk mund të realizohej dot kurrë. Dhe jo vetëm kaq. Në arkivin e kryeminisrisë ekziston edhe flalimi i Edi Ramës ne kuvend për të mirat e këtij ligji që ai e quan “një projekt me rëndësi strategjike që ndan qartë dy epoka”.
Pra për të njëjtën gjë për të cilen Meta është në burg, merita politike i mbetet armikut të tij.
A mos duhet që SPAK të hetojë edhe se kush e mori vilën që la Meta, pasi ligji që ata akuzohen u votua nga shumica socialiste dhe u mbrojt publikisht me parhos nha Edi Rama. Apo për këtë “heronjtë e fëmijëve tanë” nuk janë urdhëruar ende?/Lapsi
