Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Përplasja në PD për kryetarin, a mund të shkojë sërish në gjykatë debati për vulën e partisë?
PiranjatPërditësimi i fundit 28 Qershor 2023, 17:17
Më 29 korrik Lulzim Basha dhe Gjergj Hani do të kërkojnë nga demokratët që t’i votojnë për të drejtuar partinë. Por kjo datë votimesh dhe gjithë procesi partiak i ndjekur gjatë qershorit nga një pjesë e kryesisë së partisë Demokratike kundërshtohet nga një pjesë tjetër që ka në krye sekretarin e përgjithshëm, Gazment Bardhin.
Edhe këtë herë, si në vjeshtën e 2021-it përplasja mes dy grupeve është për detajet. Kryesia pro zgjedhjeve mendon se e ka fuqinë për të bërë ndryshimet e nevojshme në bazën e partisë, ndërsa Bardhi me mbështetësit e tij thekson se vendimmarrje të tilla janë anti-statuore.
Më 20 qershor u mblodh Këshilli Kombëtar PD, ku kuorumi i plotësuar me drejtuesit e degëve të emëruar së fundmi kundërshtohet nga grupimi Bardhi. Sekretari i Përgjithshëm bashkë me grupin e deputetëve që e mbështesin kundërshtojnë mbledhjen e Këshillit më 20 qershor, duke theksuar se në Gjykatë figuron një tjetër përbërje e këtij organi partiak.
Kjo kundërshti mund të jetë është shkaku i një përplasje të re në gjykatë mes këtyre dy grupimeve të krijuara në 4 javët e fundit. Grupi Bardhi ka paralajmëruar se do bëjë një verifikim të anëtarëve që morën pjesë në mbledhjen e Këshillit Kombëtar më 20 qershor dhe më pas mund të ketë sërish një mbledhje të Këshillit kombëtar ku të hidhen poshtë vendimmarrjet e deritanishme nga kryesia po edhe këshilli. Mbetet për t’u parë se si do të evoluojë kjo përplasje e re në PD që zanafillën e saj pati në mbledhjen e Këshillit Kombëtar më 6 qershor, ku dy grupimet kishin qëndrime të ndryshme për mënyrën se si do duhej organizuar partia, nga baza në qendër, apo nga qendra në bazë.
