Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
POLITIKE
“Politika ka bërë hapa pas!” – Gazmend Oketa: Është bërë më e korruptuar dhe e lidhur me krimin!
PiranjatPërditësimi i fundit 4 Prill 2026, 17:46
Ish-ministri demokrat i Mbrojtjes, Gazmend Oketa u shpreh kritik ndaj politikës shqiptare, duke theksuar se ka bërë hapa pas në zhvillimin demokratik. I ftuar në News24, ish ministri theksoi se politika është bërë më e korruptuar dhe më e lidhur me botën e krimit.
Ai e cilësoi parlamentin si të mbushur me “një klasë injorante e servile”, duke theksuar se përgjegjësia kryesore bie mbi kryeministrin, por edhe mbi opozitën, jo vetëm për faktin që sot ndodhet në opozitë, por edhe për marrëveshjet dhe ndryshimet kushtetuese të vitit 2008.
Sipas tij, një gabim i madh ka qenë trajtimi i çështjeve të pronës dhe liberalizimi i universiteteve, duke krijuar mundësi për një pjesë të elitës politike që të privilegjojë servilizmin politik mbi meritokracinë.
“Mendoj që Shqipëria nuk është ajo që pritej, është vend që akoma diskuton zgjedhje e lira apo jo të lira. Fatkeqësisht që mjafton të hedhim sytë nga parlamenti aktual për të kuptuar sesa hapa pas ka bërë politika, sa e korruptuar dhe sesa e lidhur është bërë me botën e krimit. Parlamenti është mbushur me një klasë injorante e servile, ku përgjegjësinë kryesore e ka kryeministri por edhe opozita.
Jo për faktin që sot është në opozitë, por për marrëveshjen e 2008, ndryshimet kushtetuese, gabimin më të madh që gjykoj se ka bërë pas trajtimit të çështjeve të pronës që është liberalizimi i universiteteve, pajisja me karton e cilido injoranti, që rrugën më të shkurtër e kanë anëtarësimin në partive politike, servilizmin politik dhe ja ku e kemi produktin. Ja ku jemi sot. Unë besoj se Shqipëria ka përfituar nga anëtarësimi në NATO, qoftë për shkak të perceptimit të cilitdo që sovraniteti i Shqipërisë nuk preket. “, u shpreh ai.
