Shqipëria ka arritur rekord për punësimin e shtetasve të huaj që arrijnë mbi 22 mijë shtetas deri në qershor 2026 nga 18...
POLITIKE
Projektbuxheti 2025/ Celibashi: 9.4 miliardë lekë për zgjedhjet! Kemi parashikuar që të zhvillohet votimi elektronik vetëm në qarkun e Tiranës
n.fPërditësimi i fundit 15 Nëntor 2024, 17:16
Celibashi
TIRANË- Komisioneri Shtetëror i Zgjedhjeve, Ilirjan Celibashi gjatë fjalës së tij në seancën dëgjimore në Komisionin për Çështjet Ligjore, Administratën Publike dhe të Drejtat e Njeriut, ka kërkuar fonde nga buxheti për vitin 2025. Celibashi u shpreh se tha se 9.4 miliardë lekë në total është shifra që përfshin programin buxhetor të zgjedhjeve për vitin 2025. Ai shtoi se ky buxhet do të rishihet. Ai theksoi se nevojat për buxhet dhe kërkesat për buxhet përfshijnë si aspektin e funksionimit të institucionit të KQZ për 2025, ashtu edhe për zgjedhjet e vitit 2025.
“Jemi tërhequr nga kjo kërkesë për këtë sasi buxheti. Kjo shifër përfshinte zhvillimin e zgjedhjeve dhe votimin elektronik në 5 qarqe, por për kohën e mbetur kjo është e pamundur. Në kërkesën e re, krahas elementëve të tjerë që lidhen me përgatitjen e zgjedhjeve, kemi parashikuar që të zhvillohet votimi elektronik vetëm në qarkun e Tiranës," tha ai.
Sipas Celibashit, kostoja e përllogaritur për votimin dhe numërimin elektronik në qarkun e Tiranës është 1.7 miliardë lekë. Ai shtoi se ka pasur komunikim formal me partitë politike për këtë çështje dhe se janë duke punuar dhe shumë shpejt do të kenë një komunikim tjetër, joformal.
“Nuk e kemi dakordësinë e të gjitha palëve. Ka një dakordësi nga njëra anë e politikës për zhvillimin e votimit elektronik në Tiranë dhe mungesë dakordësie nga pala tjetër. Gjithsesi, si institucion, kjo nuk duhet të na ndalojë. Jemi duke punuar dhe shumë shpejt do të kemi një komunikim tjetër, joformal”, tha Celibashi.
Lidhur me shtesat buxhetore për funksionimin e KQZ-së, Celibashi theksoi se shifra prej 9.4 miliardë lekësh është ulur, pasi janë hequr vlerat e votimit elektronik. Gjithashtu, ai përmendi një shtesë prej 137 milionë lekësh në zërin e investimeve.
