Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
POLITIKE
Projekti për ish-Uzinën e Autotraktorëve/ Hoxha: Do të prodhohen automjete dhe uniforma, jo bomba e eksploziv
M.B.Përditësimi i fundit 28 Prill 2025, 12:40
TIRANA- Ministri i Brendshëm Ervin Hoxha, ishte i pranishëm sot në prezantimin e projektit për riaktivizimin e ish-Uzinës së Autotraktorëve në Tiranë. Gjatë fjalës së tij, Hoxha tha se ky projekt po sulmohet sot nga opozita, e cila, sipas tij, vetë s’ka as ide dhe vizion, dhe po përpiqen ta kthejnë komunitetin kundër punëve të mira.
Gjithashtu Hoxha tha se janë të vetëdijshëm që shumë banorë mund të jenë të shqetësuar nga keqinformimet që janë përhapur lidhur me këtë projekt. Ai shtoi se nga ky projekt do të prodhohen automjete dhe uniforma, jo bomba e eksploziv.
“Jemi këtu për ndërtimin e një impianti të teknologjisë të lartë mes kompanisë Kayo dhe Timak, përfshin investim serioz në teknologji moderne dhe inovative për prodhimin e automjeteve ushtarake dhe uniformave me cilësi të lartë për FA dhe Policinë. Investim i rëndësishëm ekonomik për mbarë vendin por për njësinë 1 projekt transformues, që do të sjellë zhvillim dhe hap vende pune.
Ky projekt është veç një nga dhjetëra projekte transformuese, pjesë e vizionit Shqipëria 2030. Ashtu siç ka ndodhur edhe më parë, edhe për projekte të tjera që kanë transformuar këtë vend, edhe ky projekt po sulmohet sot nga opozita, e cila vetë s’ka as ide dhe vizion, po përpiqen ta kthejnë komunitetin kundër punëve të mira që përbëhen përmes mashtrimeve dhe gënjeshtrave.
Jam i vetëdijshëm që shumë banorë mund të jenë të shqetësuar nga keqinformimet që janë përhapur lidhur me këtë projekt, ndaj si përfaqësues i juaj, dua t’iu siguroj se s’ka asnjë gjë për t’u shqetësuar këtu do të prodhohen automjete dhe uniforma dhe jo bomba e eksploziv. Shkoza s’ka asnjë arsye për t'u shqetësuar por çdo arsye për të mirëpritur këtë projekt që do të zbatohet sipas standarteve më të larta të sigurisë teknike dhe mbrojtjes së mjedisit”, tha Hoxha.
