Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
AKTUALITET
Prokuroria bllokon CFO Pharma e Nadir Çushollit/ Miku oligark, që ka edhe autobusët e Unazës shkon te Veliaj
PiranjatPërditësimi i fundit 3 Tetor 2025, 13:46
Prokuroria e Tiranës ka ndërhyrë fuqishëm në ambientet e CFO Pharma të oligarkut Nadir Çausholli, duke sekuestruar inventarët dhe gjithë dokumentacionin që lidhet me rimbursimet e barnave.
Ky operacion u shoqërua me praninë e forcave të shumta policore, që prej ditës së djeshme.
Shifrat e fryra nuk kaluan pa u vënë re, teksa u konstatua se Fondi i Sigurimit të Detyrueshëm të Kujdesit Shëndetësor (FSDKSH) kishte rimbursuar dhjetëra mijëra kuti ilaçe më shumë se sa ishin furnizuar realisht në treg.
Kështu u zbulua një skemë mashtrimi e ndërtuar në disa nivele.
Ilaçet e deklaruara fiktivisht kalonin më pas te CFO Pharma, nëpërmjet transaksioneve false, dhe nga aty shpërndaheshin në disa farmaci.
Kjo skemë përfundonte me rimbursimin e padrejtë të parave nga shteti, duke dëmtuar rëndë buxhetin publik.
Megjithatë, vlen të theksohet se kjo nuk është hera e parë që Çausholli është përfshirë në një skandal të tillë.
Po ashtu ai është edhe përfitues i një numri të madh tenderësh publikë me shkelje në sektorin e Shëndetësisë, ku ka përfituar miliarda lekë në shkelje nga paratë publike.
Nadir Çausholli njihet po ashtu si miku oligark i Erion Veliajt dhe theksojmë se ai ka ekskluzivitetin e autobusëve të Unazës, të cilët shpesh herë janë bërë edhe shkak i një sërë aksidentesh në kryeqytet.
Epo tani duket se Çausholli do i shkojë afër Veliaj, pas hekurave, me të dy që do të vuajnë vjedhjet e bëra ndër vite.
