Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
AKTUALITET
Nga drogimi i vajzave te kërcënimet për pjesëtarët e familjes, si funksiononte grupi i prostitucionit në Tiranë me femra nga Kazakistani
PiranjatPërditësimi i fundit 3 Tetor 2025, 12:07
Autoritetet shqiptare në bashkëpunim me atë ndërkombëtare çmontuan një rrjet të gjerë prostitucioni që shtrihej nga Kolumbia e deri në Kazakistan, ndërsa bazë e veprimtarisë së tyre ishte edhe Shqipëria.
Hetimet kanë zbuluar në krye të rrjetit ishte një 25-vjeçar nga Kolumbia, i cili kishte rolin kryesor në rekrutimin e vajzave nga vendet e Amerikës Latine dhe organizimin e udhëtimit dhe akomodimit të tyre në Shqipëri, ku më pas detyroheshin të ushtronin prostitucion.
“Në rast se ndonjë nga shtetaset refuzonte të vazhdonte këtë veprimtari, mbajtja e vajzave bëhej me anë të forcës dhe kanosjes ndaj tyre e familjarëve në Kolumbi, duke përfshirë edhe persona të afërt”, thuhet në dosjen prokurorisë.
Dy persona të tjerë të grupit, kishin për detyrë sigurimin e kushteve logjistike për akomodimin dhe menaxhimin e rrjetit. Një nga të arrestuarit, shtetasi K. P., mblidhte të ardhurat e përfituara nga aktiviteti kriminal dhe i transferonte ato nëpërmjet kriptovalutave, në llogaritë e L. B.
Një nga të arrestuarit, shtetasi I. G., kishte përshtatur një hotel në rrugën “Reshit Collaku”, në Tiranë, duke e shndërruar në vend për ushtrim prostitucioni nga vajzat e trafikuara. Në këtë hotel shfrytëzoheshin për prostitucion disa shtetase me origjinë nga Kazakistani. Ndërkohë që shtetasi D. B. sigurohej për shpërndarjen e lëndëve narkotike për disa nga vajzat dhe lehtësonte kontaktet me klientët.
