Protesta masive në Serbi/ Vuçiç: Dorëhiqem si president nëse faktohet se ndaj protestuesve u përdor armë sonike!

SERBI- Presidenti i Serbisë Aleksandër Vuçiç ka deklaruar se do të dorhiqet si president nëse faktohet se ndaj protestuesve u përdor arma sonike ose ndryshe ‘top zanor’.

"Unë nuk jam më president i Serbisë nëse faktohet se ndaj protestuesve u përdor arma vdekjeprurëse ‘top zanor’" përsëriti publikisht Aleksandër Vuçiç.

Forcat serbe të sigurisë pas protestës masive më 15 mars akuzohen se përdorën një armë sonike ushtarake në tubimin masiv ku në një video protestuesit teksa ishin të qetë, papritur shpërthen një tingull i fortë zanor dhe të gjithë vrapojnë t’i largohen valës së tij.

Armë zanore të cilën Vuçiç konfirmon se Serbia i ka blerë në kohën e Vulin. Ky top zanor mund të lëshojnë tinguj deri në 160 decibel, i barabartë me qëndrimin pranë një rakete dhe që dëmton daullen e veshit deri në shurdhim.

Dhimbje veshi dhe çorientime ishin shqetësimet e protestuesve duke akuzuar qeverinë për përdorimin e pajisjeve akustike në protestë. Serbia kërkoi zyrtarisht angazhimin e FBI dhe FSB ruse, në hetimet për zbardhjen e përdorimit ose jo të topit zanor në protestën antiqeveritare të 15 marsit në Beograd.

aleksander vucic