‘Për mua asnjë futbollist nuk është i paprekshëm’-ky është mesazhi i dhënë nga trajneri i Realit t&eu...
POLITIKE
Protestat në Shqipëri/ AAK: Të mos lejohet përkeqësimi i situatës
PiranjatPërditësimi i fundit 20 Tetor 2026, 16:55
Aleanca për Ardhmërinë e Kosovës (AAK) ka reaguar për situatën e krijuar nga protestat në Shqipëri, duke shprehur solidaritet me qytetarët shqiptarë dhe duke bërë thirrje për qëndrueshmëri dhe maturi.
Përmes një postimi në rrjetet sociale, AAK ka shpërndarë një mesazh të kryetarit të saj, Ramush Haradinaj, të publikuar në RTV Dukagjini, ku theksohet nevoja që Kosova të mbështesë Shqipërinë, ndërsa situata të mos përshkallëzohet më tej.
“Me sy e zemër jemi me Shqipërinë, sot e gjithmonë!”, thuhet në reagimin e Aleancës për Ardhmërinë e Kosovës.
Në mesazhin e publikuar krahas fotografisë së Haradinajt, bëhet thirrje për ndihmë ndaj Shqipërisë përmes qëndrimit të matur, si dhe për shmangien e një përkeqësimi të mëtejshëm të situatës.
Lexo edhe: Ambasadorët e SHBA, BE e Gjermanisë takim me Begajn, të pranishëm Topi e Meidani/ Çfarë u diskutua Pushteti i trembet revoltës, blindohen dritaret e Ministrisë së Financave
“Një lutje për të gjithë ne në Kosovë, ta ndihmojmë Shqipërinë me qëndrime të matura. Dhe një lutje për të gjithë ata në Shqipëri, të mos lejojnë situatën të përkeqësohet edhe më shumë”, thuhet në mesazh.
