Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
PS ndryshon Rregulloren e Kuvendit, çfarë pritet të ndodhë gjatë javës së ardhshme (detaje)
PiranjatPërditësimi i fundit 13 Shtator 2025, 09:36
Edi Rama, pasi u mandatua si kryeministër, do t’i dërgojë Presidentit Bajram Begajt edhe dekretet e ministrave të rinj, të cilët i shpalli më 11 shtator, në Asamblenë e PS-së.
Java që vjen duket se do të jetë tepër intensive për Kuvendin. Kryetari i sapozgjedhur, Niko Peleshi, do të thërrasë ditën e hënë kryetarët e grupeve parlamentare dhe do t’u kërkojë emrat për kryesitë dhe anëtarësisë e komisioneve dhe përbërjen e organeve të tjera si Byroja apo delegacionet.
Ndërkohë, të martën parashikohet një seancë plenare për votimin e anëtarësisë së komisioneve, po ashtu edhe shqyrtimi me procedurë të përshpejtuar ndryshime në Rregulloren e Kuvendit dhe skemën e re të komisioneve.
Gjatë paradites kjo seancë do të ngrejë Këshillin për Rregulloren e Mandatet, teksa gjatë ditës, këshilli do kalojë rregulloren e re, e cila do të votohet në një seancë të dytë të martën pasdite.
Pritet që deri këtu të jetë depozituar nga Edi Rama programi qeverisë dhe të kenë mbërritur në Kuvend dekretet për ministrat.
Ditën e mërkurë, Niko Peleshi do mbledhë Konferencën e Kryetarëve, ku vendoset koha për debat për qeverinë dhe programin.
Dy ditët në vazhdim do të zhvillohet në një seancë maratonë debati për programin qeverisës, emrat e ministrave dhe votimi i tyre. Sakaq, të premten pasdite pritet betimi i qeverisë tek Begaj.
