PS nis fushatën elektorale zyrtarisht/ Rama: Jemi mbledhur në 12 qarqet e vendit ku po zhvillohen 12 garat e përballjes elektorale

TIRANA- Partia Socialiste ka zhvilluar sot eventin “vajzat dhe gratë socialiste për Shqipërinë 2030”. Kryeministri Edi Rama gjatë fjalës së tij tha se socilistët janë mbledhur në 12 qarqet e vendit ku po zhvillohen 12 garat e përballjes elektorale. Ai tha se ky takim me gratë socialiste sot u zhvillua për të dhënë mesazhin se "Shqipëria është grua, Europa është grua" dhe suksesi i përpjejkes për Shqipërinë 2030 në BE varet në radhë të parë nga nënat, nga motrat dhe nga bijat e Shqipërisë.

"Sot ne jemi mbledhur njëkohësish në 12 qarqet e vendit ku po zhvillohen 12 garat e përballjes elektorale për Kuvendin e ardhshëm të Shqipërisë për të nisur fushatën e 11 majit. Dhe duke qenë seishte e vetmja mënyrë për të lidhur bashkë të gjitha forca, komando të forumit të gruas ne menduam që më e udhës ishte të mblidheshin drejtueset dhe koordinatoret e çdo qarku, për të përcjellë nga këtu për ju dhe të gjitha gratë dhe vajzat e Shqipërisë një mesazh të drejtpërdrejtë "Shqipëria është grua, Europa është grua" dhe suksesi i përpjejkes për Shqipërinë 2030 në BE varet në radhë të parë nga nënat, nga motrat dhe nga bijat e Shqipërisë.

Nuk ka asgjë që mua më bën krenar për PS se sa fakti që kjo forcë poliitke mbështete fuqimisht nga gratë dhe vajzat e Shqipërisë. PS e mbështesin në rang kombëtar 56% e zgjedhësve gra dhe vajza, në qarqe të caktuara kjo mbështetje shkon në 65%. Te burrat dhe djemtë mbështetja është më e ulët te ne, se sa te gratë dhe vajzat", tha Rama.

ps