Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Qeveria prodhon skandale çdo ditë të vitit!" Gazetari: Rama përdor administratën si makineri elektorale
M.B.Përditësimi i fundit 13 Mars 2025, 22:55
TIRANA- Gazetari Artan Hoxha tha sot se qeveria aktuale ka dyfishuar administratën. I ftuar në emisionin ‘Çim Peka Live’ Hoxha tha se kjo është bërë me qëllim përdorjen e tyre si makineri elektorale në zgjedhje. Ai theksoi se qeveria Rama ka prodhuar dhe prodhon skandale në çdo ditë të vitit.
"Administrata është dyfishuar në krahasim me çfarë ka qenë, për mos thënë që ka shkuar edhe më tej. Gjë që unë se kuptoj, nëse ti bën shërbimet digjitale, pse i mban ata aty? Pse është dyfishuar administrata? Është dyfishuar vetëm e vetëm për t’i përdorur si makineri elektorale. Pra, Edi Rama e fillon ndeshjen duke zgjedhur edhe fushën ku do të luajë, do të jetë bar sintetik apo do të jetë bar natyral, zgjedh edhe arbitrin dhe largqoftë të ketë zgjedhur edhe vajin. Nuk është ndonjë çudi që ai ta ketë edhe vajin me vete. Edi Rama sot nuk është njësoj si në 2017-ën, as si në 2021-in.
Është e vërtetë që kjo është një qeveri që ka prodhuar dhe prodhon skandale çdo ditë të vitit. Dhe prapë është në këmbë. Por nga ana tjetër ai ka libruar një industri të tillë, një makineri elektorale e cila është e aftë të bëjë çdo surprizë. Edi Rama ka përdorur lidhjet në botën e nëndheshme në zgjedhjet e 2013-ës, dhe të 2017-ës, edhe pse kishte bërë marrëveshje atë kohë me zotin Basha. Kur Rama erdhi në pushtet, në Shqipëri kishte banda, sot janë organizata kriminale. Është niveli më i lartë i krimit të organizuar në botë", tha Hoxha.
