Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"QSUT-në duam ta bëjmë në 5 vitet e ardhshme qendër ekselence teknologjike!" Rama: Kemi 10-fishuar fondin për barnat që përdoren tek Onkologjiku
M.B.Përditësimi i fundit 24 Janar 2025, 12:21
TIRANA- Kryeministri Edi Rama, duke folur për bashkëpunimin me spitalin izraelit Sheba Medical Center, tha se objektivi është ta bëjnë QSUT-në, në 5 vitet e ardhshme, qendër ekselence teknologjike.
Rama tha se procesi i organizimit për barnat, blerjen dhe menaxhimin e tyre, do të jetë më i lehtë. Teksa foli për fondet për shëndetësinë, Rama tha se kanë 10-fishuar fondin për barnat që përdoren në Onkologjik si dhe kanë shumëfishuar ilaçet e rimbursueshme.
Spitali Onkologjik, QSUNT do të bashkëpunojë me Sheba Medical Center, në Izrael, një nga ekselencat e mjekësisë që nga sot është zyrtarisht partneri strategjik i Qendrës Spitalore Universitare “Nënë Tereza”.
Pjesë nga fjala e Ramës:
Një partneritet me të cilin kemi oportunitetin për të mësuar shumë gjëra, por edhe ti japim shqiptarëve dhe rajonit mundësinë e një shëndeti shëndetësor ekselent. Puna në Onkologjik do të fillojë nga sot. Paralelisht po diskutojmë me lidershipin e spitalit për planin e zhvillimit strategjik. Qeveria do ti përkushtohet planit në mënyrë seriozë sepse në fund të ditës ai plan ka edhe një faturë dhe ne do të bëjmë gjithçka si qeveri që atë faturë ta përballojmë.
Nga pikëpamja e infrastrukturës po mbyllen kantieret me godinat e fundit që janë në procese ndërtimi dhe rindërtimi. Duhet të punojmë shumë më tepër. Do ta bëjmë QSUT në këto 5 vite të ardhshme qendër ekselence teknologjike, ky është objektivi dhe duke pasur parasysh nga çfarë mësova nga mjekët izraelitë, kjo është e mundur. Sepse shumë gjëra që i kanë në spitalin e tyre do t’i vënë në spitalin tonë. Edhe procesi i organizimit për barnat, blerjen dhe menaxhimin e tyre, ne do të krijojmë një praktikë kombëtare.
Ne e kemi 10-fishuar fondin për barnat që përdoren në Onkologjik, kemi shumëfishuar barnat e rimbursuara etj. Por, problemi me distributorët e mëdhenj mbetet një problem dhe partneriteti me spitalin izraelit do të na ndihmojë shumë, sepse duke qenë një partner i vogël do të kemi një përfitim të madh dhe ulje kostoje. Është një bashkadministrim në një farë mënyrë, për të krijuar mundësit që në 5 vitet e ardhshme të kemi krijuar aftësinë për të menaxhuar një kompleks spitalor.
