Kreu i Grupit Parlamntar ka reaguar gjatë ditës së sotme pas publikimit të përgjimeve nga ish zëvendës kryeministri Arben A...
POLITIKE
“Rama dha urdhër të qëllonin me snajpera”, Berisha: Disa protestues u plagosën me plumba gome
Nga Xhuljan FerzajPërditësimi i fundit 11 Shkurt 2026, 12:58
“Rama dha urdhër të qëllonin me snajpera”, Berisha: Disa protestues u plagosën me plumba gome
Kryetari i Partisë Demokratike, Sali Berisha gjatë një konference për shtyp me gazetarët foli për protestën kombëtare që organizoi pasditen e djeshme.
Berisha deklaroi se protestuesit tmerruan Ramën, i cili kishte përgatitur ekzekutimin e protestuesve paqësor në sheshin para kryeministrisë. Kreu i PD-së, tha se katër protestues u qëlluan me plumba gome, gjë e cila u shkaktoi lëndime serioze.
Pjesë nga fjala e Ramës:
“Protesta e djeshme bindi çdo shqiptar se fitorja mbi regjimin e Edi Ramës është e sigurtë. Regjimi i Ramës kundërmon në Shqipëri dhe Europë, dhe duhet hequr sa më parë. Reagimi i qeverisë ndaj protestuesve paqësor ishte i paligjshëm, sepse u tmerruan nga protestuesit.
Edi Rama kishte përgatitur ekzekutimin e protestuesve paqësor në shesh. Për këtë arsye kishte vënë në krye të forcave të rendit Sokol Bizhgën, njeriu që dorëzoi tek bandat oficerin e policisë Gjergji Mehmeti, ky shpëtoi ndërsa atë e dogjën të gjallë. Gjergji Mehmeti u tradhtua nga një i pabesë i cili meriton të gjitha dënimet për krimin e tij.
Ky urdhëroi snajper të qëllojnë katër protestues, të cilët në mënyrë absolute, nuk po kryenin asnjë veprim ndaj policëve. Ilir Tufi, protestues i vazhdueshëm në protestat tona po filmonte kur e godasin snajperat në ballë. Goditja me plumba gome në ballë provohet si vdekjeprurës.
Luan Lleshi i goditur pa asnjë motiv. Ben dollapi, i goditur në kokë së bashku me një zonjë. Pra janë katër protestues të qëlluar, tre prej tyre në kokë, me qëllim eliminimin fizik të tyre. Edi Rama donte gjak, për të shpëtuar plaçkën që ka vjedhur së bashku me lubinë.
Ky akt, qëllimi me snajper ndaj protestuesve dëshmon lakminë për gjak që ka Edi Rama. Rama do të mbajë përgjegjësi për dhunën e djeshme ndaj protestuesve të opozitës. Policia përdori mjete piroteknike, përveç gazit dhe ujit. Këto janë të gjitha të filmuara, barbari ndaj gazetarëve, Arjan Asimi mbeti i asfiksuar. Gjithashtu operatori i news 24 u prek nga flakët e bombës molotov të hedhur nga policia”/Piranjat News
