Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
POLITIKE
Rama: Kryeministri britanik Starmer do të vizitojë Tiranën para Samitit të Komunitetit Politik Evropian
r.llPërditësimi i fundit 10 Prill 2025, 10:36
edi rama
TIRANË- Kryeministri Edi Rama tha sot se Shqipëria po ndërtohet edhe falë aleancave të krijuara me shtetet e huaja, qoftë në Perëndim apo në Lindje. Rama u shpreh se më parë, Shqipëria këto aleanca i ka pasur vetëm teorike dhe në letër.
Ai bëri me dije se kryeministri i Britanisë së Madhe, Keir Starmer do të vizitojë muajin e ardhshëm vendin tonë. Sipas tij, Starmer ka kërkuar të vijë para samitit të Komunitetit Politik Evropian, ndërsa shtoi se kjo është vizita e parë zyrtare e një kryeministri britanik në Shqipëri.
"Këtë vend e ndërtuam dhe po e ndërtojmë së bashku me shumë njerëz, dhe falë aleancave që kemi ndërtuar. Kemi ndërtuar aleancat më të fortat që ka pasur Shqipëria ndonjëherë, më të fortat të Perëndimit, qoftë në Lindje, qoftë me botën demokratike perëndimore apo me atë arabe. Qoftë me BE, apo Turqinë, me SHBA, me Emiratet e Bashkuara, kështu që kanë ndihmuar dhe ndikuar. Nuk i ka pasur Shqipëria këto aleanca, i ka pasur në letër dhe teorike. Të shohësh vizitat që bëhen sa e sa krerë shtetesh kanë ardhur për herë të parë. Pas një muaji do të vijë në vizitën e parë zyrtare, e ka kërkuar të vijë përpara samitit kryeministri britanik. Asnjëherë nuk ka ardhur një kryeministër britanik për një vizitë zyrtare, ka ardhur vetëm njëherë Tony Blair për të shkuar në Kukës, ishte vizitë bilaterale. Hera e parë që vjen një kryeministër britanik. Hera e parë që një president i Francës, do të vijë përsëri dhe ka pasur plot të tjerë që kanë ardhur për herë të parë.", tha Starmer.
