"Beteja është mes nesh dhe kënetës!" Rama takim me socialistët në Kamëz: Kemi skuadrën më të mirë që kemi pasur ndonjëherë

KAMËZ- Kryeministri Edi Rama, ka zhvilluar një takim me socialistët në Kamëz mbrëmjen e sotme. Rama tha se forcat politike që kanë përballë janë të njohura dhe sipas tij të diskredituara komplet.

I shoqëruar nga drejtuesja e qarkut Tiranë, Elisa Spiropali, deputetja Lindita Nikolla dhe kryebashkiaku Rakip Suli, Rama ka shkëmbyer batuta me të pranishmit. Kreu i qeverisë ka thënë se Spiropalo, sipas tij, fitoi dhe Kavajën, duke i drejtuar më pas pyetje drejtueses së qarkut se çfarë do bëjë pas Kavajës.

"Kemi gjithë arsyet të jemi më mirë se në 2021, të vazhdojmë negociatat pa luhatje fare. Kjo teoria që s’ka ndonjë problem është çmenduri. Reputacioni i vendit është në nivelin më të lartë që ka qenë ndonjëherë. Lidhet me rotacionin e qeverisë, ky është fakt. Ne nuk mund të luajmë me këtë... Forcat që kemi përballë janë të njohura, të diskredituara komplet. Të përfytyrosh bufin si palë jashtë kufijve të Shqipërisë është e paimagjinueshme.

Ne kemi skuadrën më të mirë që kemi pasur ndonjëherë. Ka të rinj dhe eksperiencë brenda. Janë dhe ato që thonë ‘jemi të reja’, p.sh., po s’janë... Beteja është mes nesh dhe kënetës. Në fund të ditës duhet t’i japim një goditje dhe i kemi të gjitha mundësitë.

Kemi me datë 11 me gratë që e kemi në të gjithë Shqipërinë, me 12 ke sheshin Skënderbej. Ju si Kamëz duhet të sillni një gjë artistike, mendojeni. Elisa këtë frymë bën, merr, sjell frymën e suksesit, e çon nga Shkodra në vend tjetër. Mbajeni mend që do të fitojë në Kavajë. Do të thotë: shihni Kamzën, merrni frymë, shihni Shkodrën, mbani frymën dhe pastaj këtu nxirreni të tërën kur të mbarojë numërimi... Elisa, po pas Kavajës, ku do shkosh", tha Rama.

ps