Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
POLITIKE
Rama: Me sistemin e kamerave që do të instalohet do të shihet çdo rrugë në kohë reale! Ndërtimi i hekurudhave realizohet më shpejt me anëtarësimin në BE
r.llPërditësimi i fundit 15 Prill 2025, 18:38
edi rama
TIRANË- Kryeministri Edi Rama tha sot se sistemi i kamerave që do të instalohet nga projekti i nënshkruar me Emiratet e Bashkuara do të shihet çdo rrugë në kohë reale dhe çdo rritje shpejtësie do të sinjalizohet menjëherë. Rama tha se në rrugë nuk do të ketë më policë, ndërsa shpjegoi se sistemi i kontrollit të shpejtësisë në kohë reale do të bëjë që gjobat të dërgohen menjëherë në telefon. Ai shtoi më tej se gjithashtu ky sistem do të ketë efekt edhe në uljen e numrt të aksidenteve.
Lidhur me ndërtimin e hekurudhave, Rama u shpreh se në mënyrë që këto vepra infrastrukturore të ndërtohen më shpejt, duhet të realizohet anëtarësimi në BE. Ai tha se me integrimin në BE do të përfitohen më shumë se 1 miliardë çdo vit dhe 90 për qind do të jenë grante.
Rama:Po bëhet një punë për të trajnuar gjithë stafin, do të lidhet me projektin që kemi nënshkruar dhe është dizenjuar me Emiratet e Bashkuara. Do të ketë në fokus shkollat, akset kombëtare etj nën një sistem kamerash inteligjente. Sistemi i kamerave që do të jetë këtu do të shihet çdo rrugë në kohë reale dhe sistemi në mënyrë të menjëhershme do sinjalizoi për një rritje shpejtësie në një pikë të caktuar, sinjalizohet këtu.
Nuk do të ketë më policë në rrugë. Punonjësit e policisë do të jenë të organizuar në një mënyrë tjetër. Sistemi i kontrollit të shpejtësisë në kohë reale do të bëjë që gjobat të jenë të menjëhershme, gjobat do të vijnë në Iphone, në kohë reale edhe me një përshëndetje. Do të ketë një efekt të jashtëzakonshme në uljen e aksidenteve se do t’i shkojë shumë shtrenjtë adrenalina nëse do instistojë të bëjnë aksident. Sistemi do të ketë një kapacitet të panjohur më parë për identifikimin e personave problematikë, jo me precedentë por ata që kanë detyrime të pashlyera.
Për hekurudhat do të them që kemi nisur punën për Tiranë- Durrës në 2014, të ndërtosh hekurudha sot dhe të jesh jashtë BE është një gjë heroike. Ne aplikuam në 2014, morëm okej në 2015 dhe thamë do bëjmë hekurudha, e shtyu koha dhe faktikisht puna reale e financimit dhe projektimit ka nisur në 2020. Ndërkohë, për të gjitha hekurudhat e tjera jemi në proces të avancuar. Nëse doni këto vepra infrastrukturore të ndodhin më shpejt, duhet të kuptoni që do ndodhin vetëm nëse bëhemi pjesë e BE. Kur të bëhemi anëtar të BE do të marrim më shumë se 1 miliardë cdo vit dhe 90 për qind do të jenë grant.
