Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
Rama: PD nuk do të zgjidhet kurrë nga shqiptarët nëse nuk kupton se është në pikë të hallit!
E.DPërditësimi i fundit 1 Prill 2025, 09:04
TIRANË- Kryeministri Edi Rama gjatë bashkëbisedimit me komentuesit në rrjetet sociale në rubrikën "Sy m'sy" tha se PD nuk do të zgjidhet asnjëherë nga shqiptarët nëse nuk vetë përmirësohet. Rama me ironi shtroi edhe pyetjen se si mund t’i vihet BE-së përpara bufi i kënetës. Ndër të tjera Rama tha se mesazhi duhet të jetë i qartë që shqiptarët dhe populli shqiptar duan të hyjnë në BE tani.
“Mesazhi duhet të jetë i qartë, ne shqiptarët, populli shqiptar, qytetarët e Shqipërisë duam të hyjmë në BE tani. Dhe me këtë mandat, mesazh, unë dhe ne do të shkojmë dhe do të kemi një argument të fortë më shumë për të nxitur procesin. E gjitha një luftë diplomatike, politike nga të katër anët dhe kush nuk e kupton këtë nuk kupton asnjë gjë se si funksionon bota dhe marrëdhëniet ndërkombëtare për një vend si Shqipëria, se për vende si Franca apo Gjermania ka më pak rëndësi se kush është në krye. Për një vend si ne është themelore.
Si mund t’i vihet BE përpara bufi i kënetës dhe atë kënetë të madhe dhe BE të thotë se s’ka ndodhur asnjë gjë. Marrin ambasadorin e BE dhe thonë si mendon ti? Si do të thotë BE, do të thotë atë që tha ambasadori se hyrja në BE bëhet në bazë të meritës së vendit, po patjetër kush e diskuton këtë. Nëse vendi i jep mandatin një personazhi me halle të hapura me drejtësinë, për të cilat BE nuk është shprehur në asnjë rast dhe nuk ka lënë të kuptohet se ka ndonjë rezervë për proceset e drejtësisë, kështu që besoj se është," tha Rama.
