Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Zgjedhjet e 11 majit/ 10 mln euro për postën e fletëve të votimit të diasporës, DHL nga 10 prilli nis shpërndarjen në 85 shtete
n.fPërditësimi i fundit 31 Mars 2025, 22:11
TIRANË- DHL do të jetë kompania postare e cila do të transportojë fletët e votimit për emigrantët shqiptare në 85 shtete të botës për zgjedhjet e 11 majit. Mësohet se transporti i fletëve të votimit do të kushtojë 10 milion euro. Shpërndarja e 245,808 zarfeve do të bëhet në 85 shtete të botës, nga kompania e huaj shumëkombëshe “DHL”, e themeluar në SHBA. Kostoja për një fletë votimi shkon mesatarisht 40 euro.
Numrin e emigrantëve shqiptarë që e kanë fituar të drejtën e votës e kryesojnë Greqia dhe Italia, të ndjekura nga shtetet e tjera. Fletët e votimit pritet të dërgohen në diasporë në 10 Prill, ndërsa mbërritja e tyre duhet të bëhet deri në orën 19:00 të datës 11 Maj.
Fleta e votimit do t’u shkojë emigrantëve e vulosur në një zarf, i cili mban një barkod me informacionet për zgjedhësin, shtetin ku banon dhe qarkun për të cilin voton. Zarfi duhet të hapet me kujdes, pa u dëmtuar ku brenda do të ketë fletën e votimit. Zgjedhësi do duhet të bëjë shënimin brenda një kolone, të palosë fletën e votimit dhe ta vendosë brenda zarfit. Mbi zarf, apo edhe te fleta e votimit, nuk duhet të ketë asnjë shënim.
Votuesi nga jashtë nuk do të ketë asnjë kosto financiare për këtë proces. Brenda fletës së votimit do të jetë edhe një udhëzues në mënyrë që emigrantët të ushtrojnë të drejtën e votës në mënyrë korrekte dhe të shmanget sa më shumë pavlefshmëria e tyre
Shteti me numrin më të lartë të emigrantëve e mban Italia me me mbi 90 mijë votues e ndjekur nga Greqia me mbi 60 mijë dhe Gjermania me mbi 25 mijë. Ndërsa në 13 shtete do të shkojë vetëm 1 fletë votimi, si psh në Fixhi, Venezuele, Ukrainë etj. Sa i përket qarqeve, peshën më të madhe vota e diaspores do e ketë në qarkun e Tiranës, i ndjekur nga Fieri dhe Durrësi.
