Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
POLITIKE
“Rama po shkatërron integrimin në BE”, Berisha: Gjykata Kushtetuese e hodhi në 'kosh' kryeministrin dhe Ballukun
Nga Xhuljan FerzajPërditësimi i fundit 7 Shkurt 2026, 12:06
Kryetari i PD-së, Sali Berisha gjatë bashkëbisedimi me qytetarët në rrjetet sociale akuzoi kryeministrin Edi Rama se po shkatërron procesin e integrimit të Shqipërisë në BE.
Gjithashtu Berisha tha se Rama në mënyrën më të anti ligjore vendosi të përdorte si mburojë Gjykatën Kushtetuese për të mbuluar vjedhjet, gjyqtar që nuk kanë asnjë lloji morali por vazhdonin të mbronin Ballukun.
Pjesë nga fjala e Berishës:
“Rama është i aftë të skelmojë procesin më themelor të pluralizmit politik, integrimin europian. Edi Rama me qëllimet e tij të paligjshme, detyroi kancelaritë e europës ti nxjerrin kartonin e kuq, gjë e cila nuk ka ndodhur në 30 vite, zhbërjen e plotë të procesit të integrimit.
Protestat janë shpresa e vetme për të shmangur këtë vendim. Rama në mënyrën më të anti ligjore, vendosi të përdorte si mburojë Gjykatën Kushtetuese për të mbuluar vjedhjet, gjyqtar që nuk kanë asnjë lloji morali, por vazhdonin të mbronin Ballukun.
Qëndrimet e Ramës hasën kundërshtimet më të ashpra të partnerëve tanë europian. Këto qëndrime, dëshmuan se Rama nuk ndjek interesat e shqiptarëve për integrimin në BE.
Protestat tuaja kanë qenë për mbarë botën alarm, për të treguar problemet e korrupionit në Shqipëri. Vlerësoj gjykatësit që rrëzuan kërkesën e Ramës për të mbrojtur Belinda Bllukun të vijonte detyrën, por dha më në fund përgjigjen e merituar, më mirë vonë sesa kurrë.
Të paktën me atë votimin 4:4 vendimi së bashku me Ramën përfundoi në koshin e plehrave.”/Piranjat News
