Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
"Rama sot pranoi që programi i PD-së është i realizueshëm"/ Bardhi: Për tu realizuar duhet të largohet qeveria e korruptuar!
b.zPërditësimi i fundit 29 Mars 2025, 14:41
Gazmend Bardhi
TIRANË - Deputeti demokrat Gazmend Bardhi ka reaguar pas deklaratave të kryeministrit Rama gjatë prezantimit elektoral të PS-së. Në një postim në rrjete sociale, Bardhi shprehet se kreu i qeverisë ka marrë alternativën dhe programin e Partisë Demokratike dhe e ka prezantuar si të vetin.
Bardhi thotë se sot kryeministri Rama ka pranuar se programi i PD-së është i realizueshëm. Bardhi thotë që programi i PD-së, të realizohet duhet të largohet qeveria aktuale në pushtet, e cila sipas tij në 12 vjet nuk ka bërë asgjë për Shqipërinë dhe nuk mund të sjellë ndryshimin këtë vit.
Bardhi shton se tani është koha për një qeveri të re, një qeveri të PD-së dhe Aleancës për Shqipërinë Madhështore, që sipas tij ka altenativën dhe idetë për të zhvilluar Shqipërinë.
Reagimi i Bardhit
Nuk është asfare e çuditshme që Edi Rama ka mbetur pa ide, pa alternativë dhe pa vizion. Nuk është as e papritur që ka marrë alternativën dhe programin e PD dhe ka nisur ta prezantojë si të vetin. Pas 12 vitesh në pushtet, jo vetëm lodhesh, mbetesh pa ide, nuk të shërben dot as propaganda, por punët e shtetit të duken të parëndësishme!
Padashur sot, duke prezantuar programin e PD, Edi Rama ka pranuar se programi ynë është I REALIZUESHËM, ashtu siç PD ka premtuar që ditën e parë kur e ka prezantuar. Çdo premtim i yni bazohet në një analizë të kujdeshme, të kryer nga ekspertë vendas dhe ndërkombëtar.
Por për tu realizuar, duhet të largohet Edi Rama dhe qeveria e tij e korruptuar në 11 Maj, që kishin mundësinë ta bënin për 12 vjet, por as nuk deshën dhe as nuk ditën. Një punë që nuk bëhet për 12 vjet, nuk ka asnjë shans pa ndryshim që të bëhet më nga i njëjti person që gënjeshtrën ka të vetmin mjet në politikë.
Tashmë është koha për një Qeveri të re, një qeveri të PD dhe Aleancës për Shqipërinë Madhështore, që ka altenativën dhe idetë për të zhvilluar Shqipërinë. Gjithmonë zhvillimi nis nga ekonomia, nga mirëqenia e qytetarëve, nga përparimi dhe mbështetja e biznesit dhe fermerëve.
Me PD pas 11 Majit: Do të vendosim minimumin jetik 200 euro. Do të rrisim pagën minimale në 500 euro. Do të rrisim pagën mesatare në 1200 euro. Do të dyfishojmë pensionet. ��Voto nr. : Koalicionin “Partia Demokratike – Aleanca për Shqipërinë Madhështore”
