Rama: Vajzat tona nuk mund të pranojnë çyrykë! Krushqia me çdo demokrat duhet të bazohet nëse është me BE apo me kënetën

edi rama

KORÇË- Kryeministri Edi Rama tha sot në takimin me gratë dhe vajzat në Korçë se burrat demokratë duhet të kenë shansin të shpetojnë nga opozita. Ai shtoi më tej se vajzat nuk mund të pranojnë "çyrykë", nëse duan të shkojnë në Bashkimin Evropian. Rama duke bërë batuta tha se sot krushqia me çdo demokrat duhet të bazohet në pyetjen "je me BE apo je me kënetën".

"Burrat demokratë duhet të kenë shansin të shpëtojnë nga këneta. Burrat demokratë duhet të kenë shansin të dalin nga kategoria e atyre që nuk mbushin dhe në rastin më të keq kur nuk mbushin t’i vënë burrat në gjumë të mos votojnë fare. Vajzat tona nuk mund të pranojnë çyrykë. Pa diskutim. Por pa i paragjykuar, duhet të punojnë deri në ditën e fundit t’i shpëtojnë. Por nëse ai thotë do shkoj në kënetë, do të shkojë dhe vajza të hidhet në kënetë? Në asnjë mënyrë. Vajza do të shkojë në BE. Dhe fakti që ju jeni dakord me mua, më mjafton. Kështu që krushqia me çdo demokrat bazohet je me BE apo je me kënetën. Nëse je me BE të, trashëgoheni. Nëse je me kënetën, nuk kam vajzë për ty!", tha Rama.

edi rama