Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
Skandali i qumështit me aflatoksinë/ Muçollari: Zbulimi i Piranjave u pranua dhe nga AKU, prej 12 vitesh qeveria nuk ofron asnjë siguri për ushqimet e përditshme të shqiptarëve
r.llPërditësimi i fundit 19 Prill 2025, 15:47
grigels mucollari
TIRANË- Kandidati demokrat për deputet i PD-së, Grigels Muçollari ka reaguar lidhur me skandalin e aflatoksinës në qumësht në disa raste. Muçollari shprehet se zbulimi është bërë nga emisioni ‘Piranjat’, por është pranuar edhe nga AKU, e cila e vendosur para fakteve nuk ka mundur ta fshehë fenomenin shqetësus.
Ai thotë se miinistrja e Bujqësisë, Anila Denaj, e cila vijon me fushatën e saj elektorale, ka protokolle të rrepta për ta mbajtur të fshehtë edhe këtë skandal, siç ka ndodhur edhe me më parë me salmonelën apo me pesticidet në mandarinat tona. Muçollari i bën thirrje Denajt të bëjë transparencë të plotë mbi praninë e aflatoksinës në qumësht.
Deklarata e anëtarit të kryesisë, dhe kandidatit për deputet të PD, Grigels Muçollari:
Ndërkohë që Anila Denaj, përgjegjëse për sigurinë ushqimore në vend, vazhdon fushatën dhe drejton çetën e saj të patronazhistëve, zyrtarisht është konfirmuar prania e aflatoksinës në qumësht, në disa raste. Zbulimi është bërë nga emisioni ‘Piranjat’, por është pranuar edhe nga AKU. E vendosur para fakteve, kjo agjenci nuk ka mundur ta fshehë fenomenin shqetësues.
Janë të paktën 6 raste të konstatuara, të verifikuara pas analizave. Behet fjalë për mostra të marra në qumësht që është konsumuar nga janari e këndej. Aflatoksina është një substancë helmuese, toksike, që dëmton shëndetin e njeriut. Bashkimi Europian ka protokolle të rrepta për mbajtjen nën kontroll. Ministrja jonë e Bujqësisë ka protokolle të rrepta për ta mbajtur të fshehte, siç ka ndodhur edhe me më parë me salmonelën apo me pesticidet në mandarinat tona.
I kërkojmë serish zonjës Denaj më këto pak ditë që i kanë ngelur të bëjë detyrën, dhe të bëjë transparencë të plotë mbi praninë e aflatoksinës në qumësht, burimin e saj pasi për 12 vite kanë dështuar t’ju ofrojnë siguri për ushqimet më te shtrenjta ne rajon që paguan secili prej nesh. I kujtojmë SPAK se neglizhenca apo ‘shpërdorimi i detyrës’ mbi sigurinë ushqimore është një shkelje e rende e ligjit dhe cenim i shëndetit.
Partia Demokratike do ta shpallë institucionin e Sigurisë Ushqimore si institucion të Sigurisë Kombëtare. Dhe ne jemi angazhuar me ekspertët më të mirë për një ndryshim të shpejtë dhe rrënjësor për të garantuar çdo familje që ushqimet në tregjet tona të jenë të sigurta. Një platforme që do ta bëjmë publike së shpejti. Një platformë që do sjellë një transformim total, që do garantojë Siguri Ushqimore për qytetaret, për familjet tona.
