Protesta e studentëve në Universitetin “Aleksandër Moisiu” në Durrës është shfaqur edhe në ambientet e kam...
POLITIKE
Raporti i KLSH-së për Onkologjikun, Besart Xhaferri: I vetmi shqetësim i kryeministrit, janë apartamentet e pashitura në kullat e projektuara prej tij
PiranjatPërditësimi i fundit 4 Tetor 2025, 11:06
Deputeti demokrat Besart Xhaferri ka bërë një reagim sa i përket raportit të fundit nga KLSH, ku në rrjetet sociale ai shkruan se kryeministri Edi Rama është fokusuar sipas tij në projektet e luksit, ndërsa problemi i shëndetësisë shqiptare, veçanërisht për pacientët me kancer, vazhdon të mbetet një krizë e thellë.
Xhaferri ndër të tjera ka theksuar se Rama shqetësohet për kullat e pashitura që ka projektuar, ndërkohë që në spitalet onkologjike ka vetëm 19 shtretër për 80 pacientë, dhe protokollet klinike për kujdesin paliativ janë të vitit 2014.
Reagimi i plotë nga Besart Xhaferri:
Rama shqetësohet për kullat e pashitura që ka projektuar, por jo për faktin se në pavionin ku trajtohen të prekurit me kancer ka vetëm 19 shtretër për 80 pacientë! Raportet e KLSH vijojnë të ekspozojnë situatën dramatike që është tek Onkologjiku, ku trajtohen të prekurit me kancer, ndërsa protokollet klinike të kujdesit paliativ për pacientët me kancer janë të vitit 2014. Referuar raportit, Spitali Onkologjik nuk ka rritur buxhetin përballë një fluksi të pandalshëm pacientësh, ndërkohë që janë vetëm 19 poltrona përballë 80 pacientëve që bëjnë kimioterapi në ditë. Ky është realiteti dramatik i shëndetësisë shqiptare, në kohën kur Edi Rama na flet për inteligjencë artificiale dhe kthimin e QSUT-së në një qendër graviteti të shëndetësisë në Ballkan, ashtu siç "ktheu" Piramidën në Qendër Teknologjike në Ballkan. Përballë këtij realiteti dramatik me sistemin shëndetësor, i vetmi shqetësim i Kryeministrit janë apartamentet e pashitura në kullat e projektuara prej tij dhe të financuara me paratë e narkotrafikut. Edi Rama, me PPP-të në shëndetësi, ka shkaktuar gjakderdhje financiare dhe gjenocid ndaj shqiptarëve!
