Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
POLITIKE
"Reduktimi i krimeve në volum ka qenë i dukshëm!" Vocaj letër për largimin nga detyra: Situata në Tiranë ka njohur stabilizim
M.B.Përditësimi i fundit 14 Nëntor 2024, 14:47
TIRANA- Drejtori i Policisë së Tiranës, Tonin Vocaj ka shkruar një letër falënderimi që lidhet me largimin e tij nga detyra teksa do të zëvendësohet nga Elton Alushi. Në letrën e tij, Vocaj falënderon të gjithë kolegët e tij për punën e bërë në katër vite në këtë post. Gjithashti drejtori në largim vendos theksin tek arritjet, sipas tij, të policisë ndër vite duke shtuar se reduktimi i krimeve në volum ka qenë i dukshëm. Sipas tij, falë punës së policisë situata kriminale në Tiranë ka njohur stabilizim të dukshëm.
"Falë bashkëpunimit Tuaj të palodhur dhe përkushtimit të pashoq, situata kriminale në qytetin tonë ka njohur stabilizim të dukshëm. Ky vit ka regjistruar vetëm 8 vrasje, nga të cilat vetëm një rast me prapavijë krimi të organizuar, 7 vrasje të zbuluara dhe të dokumentuara me prova të pakundërshtueshme ligjore. (për vrasjen e ndodhur me date 13.11.2024, po punohet nga një grup i posacëm hetimor). Reduktimi i krimeve në volum ka qenë i dukshëm është evident një ulje të ndjeshme të vjedhjeve dhe veprave penale kundër personit.
Siguria në shkolla dhe lufta pa kompromis kundër shpërndarësve të lëndeve narkotike ka qenë një konstante në punën tonë. Po kështu ky qytet është vizituar nga miliona turistë të cilët fal Jush kanë gjetur një ambjent të sigurtë. Dua të vë në pah përparimet e arritura në Bashkinë e Krujës, e cila ka kaluar në juridiksionin tonë rreth një vit e gjysmë më parë. Situata e rendit dhe sigurisë atje është shumë më e stabilizuar se më parë, dhe kultivimi i bimëve narkotike në territorin e bashkive Tiranë, Kamëz dhe Vorë është pothuajse inegzistent”, shkruan Vocaj ndër të tjera në letrën e tij.
