Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
POLITIKE
Rrëzohet propozimi i PL për çmimin e naftës, Xhixho: Asnjë surprizë!
PiranjatPërditësimi i fundit 21 Prill 2026, 18:18
Zëvendëspresidentja e Partia e Lirisë, Erisa Xhixho, ka reaguar përmes një postimi në rrjetet sociale, ku ka ndarë një video nga fjala e saj në Komisionin e Ekonomisë.
Duke e shoqëruar videon me mesazhin: “ Asgjë surprizë edhe në komisionin e ekonomisë. Rrëzuan me forcën e kartonit projektligjin e Partisë së Lirisë për uljen e çmimit të naftës”, Xhixho ka kritikuar ashpër vendimmarrjen e 'forcës së kartonave' sic e quan ajo.
Sipas saj, Shqipëria renditet aktualisht e nënta në botë për çmimin më të lartë të naftës, ndërsa mbi 60% e këtij çmimi përbëhet nga taksat.
Në reagimin e saj, ajo thekson gjithashtu se çmimet e produkteve të shportës janë rritur me rreth 50%, duke akuzuar qeverinë se nuk ka marrë asnjë masë për të mbështetur qytetarët përballë rritjes së kostos së jetesës.
Reagimi i plotë:
Asgjë surprizë edhe në komisionin e ekonomisë . Rrëzuan me forcën e kartonit projektligjin e Partisë së Lirisë për uljen e çmimit të naftës .
Sot renditemi të 9-tët në botë për çmimin më të lartë të naftës, ndërsa mbi 60% e këtij çmimi përbëhet nga taksat.
Ndërkohë, çmimet e produkteve të shportës janë rritur me rreth 50%, dhe kjo qeveri NUK merr ASNJË MASË për të mbështetur qytetarët.
Kreu i Partisë Demokratike Sali Berisha ka akuzuar kryeministrin Edi Rama se nuk ka prioritet interesat e shqiptarëve, por interesat e tij personale...
