Protestuesit janë mbledhur sot para Ministrisë së Arsimit, në kuadër të protestës së njoftuar për orën 14:00...
POLITIKE
Rritja e çmimit të naftës, Petrit Vasili: Rama ka festë, po merr miliona euro nga xhepat shqiptarëve
PiranjatPërditësimi i fundit 19 Mars 2026, 18:17
Petrit Vassili ka reaguar pbr rritjen e çmimit të naftës. Në një postim në rrjetet sociale ai shkruan se çmimi i naftës po rritet çmendurisht, por Edi Rama,nuk lëviz gishtin për ta ulur.
Reagimi i plotë:
Çmimi i naftës po rritet çmendurisht.
Por Edi Rama, megjithë ministrat delenxhinj që ka përqark, nuk lëviz gishtin për të ulur çmimin e naftës; bile guxojnë të thonë edhe marrëzira dhe bëhen lolo e gazi i botës, sepse korrupsioni i ka kapur për fyti dhe Rama ua kërkon këtë.
Rama gëzon se po ju merr miliona euro nga xhepat shqiptarëve.
Gëzon se këto miliona euro do t’i plaçkisë me tenderat e tij për rrugë që shemben, për zyra e makina luksoze dhe për gjithfarë hajdutërirash.
A ka zgjidhje?
Zgjidhjen e ka dhënë Partia e Lirisë me projektligjin për heqjen e Taksës së Qarkullimit dhe të Karbonit, i cili është në Kuvendin e Shqipërisë dhe që e ul çmimin e naftës.
Projektligji është prej dy javësh në Kuvend, por hajdutët e Rilindjes, me Peleshin në krye, e bllokojnë dhe nuk e votojnë.
Përse nuk e voton menjëherë Rama?
Sepse interesi i vetëm i Ramës është që t’u shvasë paratë shqiptarëve dhe të pasurojë oligarkët sekserë të tij, që i paguajnë çarterat dhe edhe lobimet për të blerë mbështetje tek ndërkombëtarët.
Rilindas, me Ramën në krye, shkoni votoni projektligjin e PL për karburantet, se ju doli boja për faqe të zezë duke kundërshtuar dhe duke plaçkitur shqiptarët.
Votimi i projektligjit të PL është vijë ndarëse mes atyre që e duan popullin dhe njerëzit e thjeshtë dhe atyre që e rrjepin popullin deri në palcë dhe janë të pangopur në mbushjen e thesit me miliona euro.
Ja ku i keni çmimet sot të naftës e benzinës që kanë fluturuar.
