Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"Sa e pashë që u zgjove, pupupu ça stresi", Rama vijon replikat me Bashën: Lul tsunami, u ngrit era euroatlantike dhe po shkunden puplat te këneta!
n.fPërditësimi i fundit 22 Mars 2025, 18:59
TIRANË- Kryeministri Edi Rama ka vijuar replikat me Lulzim Bashën teksa nuk kanë munguar edhe ironinë ndaj tij. Rama ka ironizuar shpesh në videot e tij Bashën teksa shprehej se ai është në gjumë në momentin që ai i kthen replikat. Në videon e fundit të publikuar Rama shprehet se në momentin që e ka parë Bashën zgjuar është frikësuar dhe prandaj u fut në listat e mbyllura.
Kryeministri e ka cilësuar Bashës si Lul tsunami ndërsa me ironi ka shtuar se ai do ta shkatërrojë Ramën siç ka bërë ndërvite që nga viti 2015. Në këtë replikë ka folur edhë në lidhje me deklaratët e kreut të PD-së Sali Berisha se Rama është i Bashës. Sipas tij atë e kanë bërë si dashnore kolektive pasi Basha thotë se është i doktor bufit duke iu referuar Berishës ndërsa kreu i PD-së i thotë së është i Lulzim Bashës.
Video-postimi i plotë i Edi Ramës në Facebook:
Basha: O Rameee, çfarë frikacaku je me burë, ke vënë doktorin me më sulmu mu...! A ça je, ça je, mërzit doktorin që i sulmoi partnerin eee...?!
Rama: Ahaha... e ndiu Lul e ndiu... E ndjeu bufi plak, atë që ndjeva unë kur u futa me vrap aty te lista e mbyllur! Sa e pashë që u zgjove, pupupu ça stresi, ik thashë, ik, ik mbyllu në listë aty, mbyll qepenin se të shkatërroi prapë Lul tsunami, siç më shkatërrove më 2015, 2017, 2019, 2021, eh ça më ke bë, ça më ke bë. Po që më ka marrë malli mo burrë të ma këndosh pak himnin aty poshtë.
Basha: Po dil vetë në fush mo burrë... doktori 81 vjeç!
Rama: Unë të dalë në fushë? Mos mo burrë, tani që dole ti me Hysen Gjurën dhe Pëllumb Seferin, jo mo vlla. Le të merret bufi me ty tani, se e mori lehtë këtë punë. Po kam frikë se është vonë, u ngrejt era euroatlantike dhe po shkunden puplat te këneta, po shkunden puplat.
Basha: Dil vetë në fushë, thuj doktorit merrem unë me Bashën, siç jeni marrë më përpara të dy me mua...!
Rama: Eeee, vallai këtu s’di ça të them tani, se më keni bërë si dashnore kolektive kur thoshte ai, robert çamçakëzi, e mban mend bertin apo jo, te ai filmi “Horizonte të hapura”, ju mbyti xhelozia ju mbyti... ti thua jam i doktor bufit, ai thotë jam i lul bravës.
Ore nuk e di, po ai Gaz Ballokumja i kujt është mor Lul, pash Zotin se më para më çmendje, gazi është i imi, Gazi është i imi, s’ka si Gazi im... ahahah! E mor artist kur do të të kuptojë ty këneta do jetë tharë komplet. Por ti, ti, mos ma ndaj mendjen e lehtë dhe ec aty, jepi gaz! Të përshëndes! (vendos këngën ‘Jepi gaz’ në sfond)... Dhe në fund fare mos harro, 5, numrin 5, bashkë me Hysenin dhe Pëllumbin!
