Seanca në GJKKO/ Erion Veliaj - Olsi Dados: Je në konflikt interesi, të kam dhënë leje ndërtimi!

Erion Veliaj

TIRANË - Po mbahet seanca në GJKKO për kryebashkiakun Erion Veliaj, bashkëshorten e tij Ajola Xoxa dhe për 6 biznesmenët të cilët akuzohen si të përfshirë në abuzimet me fondet publike mes çiftit Veliaj-Xoxa.

Mësohet se gjatë seancë kryebashkiaku Veliaj ka pasur përplasje me një nga firmëtarët e kërkesës për arrestimin e tij, prokurorin Olsi Dado. Gjatë seancës Veliaj i ka thënë Dados se është në konflikt interesi pasi Veliaj i kishte dhënë leje ndërtimi.

Veliaj i është drejtuar më tej Dados që ose të largohet nga kjo çështje ose të rreshtohet me ndërtuesit e tjerë. Veliaj ka deklaruar gjithashtu se prokurori Olsi Dado e ka personale me atë

"Ose largohu nga kjo çështje ose rreshtohu me ndërtuesit e tjerë këtu. Mbete i pa kënaqur me lejen e ndërtimit, më the që do ta mbaj mend. E ke personale me mua- është shprehur Veliaj.

Edhe në reagimin e tij të parë nga qelia Veliaj ka hedhur një mori akuzash ndaj Dados, teksa ka kursyer akuzat kundrejt firmëtarit tjetër të arrestimit të tij kryeprokurorit Altin Dumani.

Kryebashkiaku që në fjalinë e parë të reagimit të tij e etiketoi prokurorin Olsi Dadon, si "një prokuror lunatik". Veliaj shprehej më tej se Dado është një fyerje e gjallë e inteligjencës njerëzore. Veç kësaj, kryebashkiaku deklaroi gjithashtu se nuk ka për detyrë më të heshtë për çfarë i kanë parë sytë në sjelljen me familjen tij dhe për çfarë i kanë dëgjuar veshët nën çatinë e SPAK-ut. 

erion veliaj olsi dado