Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
Shehu: Nuk mbështetët planin e Trump për Gazën, duhet të shkundë parlamentin
PiranjatPërditësimi i fundit 9 Tetor 2025, 10:27
Deputeti i Partisë Demokratike, Tritan Shehu, ka nisur fjalën e tij në Kuvend me akuza ndaj qeverisë për mungesën e mbështetjes ndaj planit të presidentit amerikan Donald Trump për paqen në Gaza. Ai theksoi se Shqipëria është një nga vendet e vetme demokratike që nuk ka qëndruar në mbështetje të këtij plani.
Shehu e cilësoi ditën e nënshkrimit të marrëveshjes për paqe në Gaza si një "ditë historike". Ai theksoi se ky moment nuk duhet të kalonte në heshtje në Kuvendin e Shqipërisë, duke shtuar se ky ishte një moment që e kishte krijuar "paqedashësi Trump", i cili parashikon lirimin e pengjeve dhe mundësinë për një armëpushim në rajon.
"Do t'ju bëj një propozim procedurial. Sot është një ditë historike për të gjithë. Sot u nënshkrua marrëveshja për paqen në Gaza. Sot nuk duhet të kalojë në heshtje në parlamentin shqiptar. Kjo është dita e krijuar nga paqedashësi Trump, një ditë që duhet të shkundë këtë parlament", tha Shehu.
Ai u shpreh më tej se Shqipëria ka qenë e para që ka mbajtur heshtje për viktimat e sulmit të 7 tetorit, duke i bërë thirrje qeverisë që të shprehej në mbështetje të planit të Trump për të sjellë paqe.
"Ne kemi qenë në parlament të parat që mbajtën heshtje për viktimat e 7 tetorit. Duhet të përshëndesim këtë realizim kaq të madh të paqebërësit, i cili parashikon lirimin e pengjeve. Nëse qeveria nuk ka guximin të shprehet, na takon ne si opozitë të bëjmë thirrje që të rreshtohemi dhe ta përshëndesim atë plan", përfundoi Shehu.
