Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Shkarkimi i zv/ministrit për një cigare u kthye në meme, Rama reagon për herë të parë dhe sulmon opozitën
PiranjatPërditësimi i fundit 24 Shtator 2025, 18:54
Kryeministri Edi Rama komentoi gjatë takimit me deputetët e Partisë Socialiste në Tiranë edhe shkarkimin e zv/ministrit të brendshëm pasi piu cigare në një ambient të mbyllur ndërkohë që në Shqipëri zyrtarë të shumtë abuzojnë me detyrën dhe nuk u hyn “gjemb në këmbë”. Edhe në këtë rast, kryeministri fajësoi opozitën, megjithëse shkarkimi i zëvendësministrit Andi Mahilau kthye në objekt humori në rrjetet sociale.
“Llomotitje e madhe nga ata që iu ka rënë Diella në kokë dhe duhet të presim gjatë derisa ta marrin veten, por kur të marrin veten do të duhet të përballojnë fëmijët e Diellës, të cilët e përgojuan me shpotinë karakteristike të delirantit provincial shkarkimin që ministrja e Brendshme i bëri zëvendësit për tymosjen e cigares në një lokal të mbyllur.
Të mos e përshëndesësh këtë akt dhe të mos kërkosh që ky akt të jetë norma, parimi i palëkundur i atyre që qeverisin, por të bësh hajgare me të do të thotë të jesh një bisht cigareje i mbetur në taketuken e jetës demokratike ku askush nuk ka ndërmend ta ndezë më dhe askujt nuk i shkon në mendje se duhet çuar në riciklim sepse është një cigare e pariciklueshme”, tha Rama.
