"Shqiptarët duhet të shkojnë te numri 5", Rama: PS sot siç ishte PD në 1992, mbyllja e negociatave realizohet vetëm me ne

edi rama

TIRANË- Kryeministri Edi Rama tha se në 11 maj shqiptarët duhet të shkojnë te numri 5. Sipas tij Partia Socialiste sot është në vendin dhe kohën e duhur ashtu siç ishte Partia Demokratike në 1992. Rama tha se ditën e zgjedhjeve kalon treni i historisë dhe nuk duhet humbur, ndërsa shtoi se mbylljen e negociatave dhe anëtarësimin e Shqipërisë në BE e realizon vetëm PS.

Edi Rama: Mesazhi duhet të jetë shumë i fortë, të gjithë shqiptarë duhet të shkojnë te numri 5, sepse duan, nuk duan, është PS sot, në vendin e duhur dhe në kohën e duhur. Siç ishte PD në 1992. Jo të gjithë që e donin ata, e donin masivisht, por e votuan sepse i dhanë prioritet zgjedhjes kombëtare gjepolitike të Shqipërisë. Sot, duhet që shqiptarët të përqafojnë të gjithë BE, duke i dhënë Brukselit, një mesazh të qartë, që PS është këtu. Këtu nuk diskutohet fitorja aritmetike, a do jenë shqiptarët t’i japin mesazh Evropës. Më 11 maj kalon treni i historisë, për të mbyllur negociatat dhe për të anëtarësuar Shqipërinë në BE, brenda kësaj dekade. Të tjerët nuk mund ta bëjnë dot.

edi rama