Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Siguria"/ Noka rikujton shprehjen e Ramës dhe kritikon Naçon: SHISH është institucion thashethemesh, gabim i rëndë politik të pengosh opozitën të drejtojë pyetje
r.llPërditësimi i fundit 17 Korrik 2024, 12:23
flamur noka
TIRANË- Sekretari i Përgjithshëm i PD-së, Flamur Noka gjatë seancës dëgjimore të Shërbimit Informativ Shtetëror për vitin 2023, në Komisionin për Sigurinë Kombëtare, ka shprehur kritika për kryetarin e Komisionit, Nasip Naçon. Noka tha se ai po pengon opozitën të drejtojë pyetjet duke i kërcënuar se do të vijojë pa transparencë, por me dyer të mbyllura.
Deputeti i PD-së teksa rikujtoi shprehjen e Edi Ramës se "SHISH është institucion thashethemesh", e cilësoi një gabim të rëndë politik pengimin e opozitës për të drejtuar pyetje.
"Çfarë përfaqëson zonja, Shërbimin Informativ të Shtetit apo institucionin e thashethemeve siç e ka cilësuar kryeministri. Kjo është një pyetje korrekte dhe zonja duhet të përgjigjet. Z. Kryetar. Ju bëtë një gabim shumë të madh dhe shumë të rëndë politik. Ju na kërcënuat se nëse nuk do të bëjmë pyetjet që kërkoni ju, ju do ta mbyllni Komisionin për mediat. Pra, ju kërcënoni deputetët se në rast se nëse nuk bëhet pyetje që do ‘Lartmadhëria e tij - Sulltan Surreli’, do të ndërpritet e drejta e fjalës së lirë të deputetëve. Kjo që sapo thatë është një krim i rëndë dhe nëse e përsërit do e ndjekim këtë çështje. Nuk mund të kërcënosh kurrë deputetët e opozitës dhe nuk mund t'u kërkosh kurrë t'u ndërpresësh të drejtën dhe lirinë e fjalës deputetëve", tha Noka.
Ai tha më tej se kupola e Policisë së Shtetit është e zhytur në krim, drogë dhe korrupsion. "Sot policia e shtetit ka një narko-kupolë dhe i ka dhënë damkë policisë si narko-polici", tha Sekretari i Përgjithshëm Flamur Noka.
