Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
Skandali 97 milionë euro me tunelin e Llogarasë/ Berisha: Pas Ballukut fshihet Rama
PiranjatPërditësimi i fundit 18 Nëntor 2025, 13:28
Kryedemokrati, Sali Berisha hodhi akuza ndaj kryeministrit Edi Rama se fshihet pas vjedhjes 97 milionë euro me tunelin e Llogarasë, duke shtuar se Belinda Balluku po përdoret si “masha” që shkel ligjin.
“Të dashur qytetare dhe qytetarë, dëshmitari dhe njeriu që denoncoi me forcën më të madhe tunelin e Llogarasë, ish-zëvendëskryeministri Arben Ahmetaj, i pranishëm në takimin e Ankarasë të Edi Ramës dhe Lubisë, u tha shqiptarëve se jo Lubia, por është Rama që ka ngrënë dardha prapa shpinës së Lubisë. Po, po e dëgjuat vetë ju. E vërteta është se Lubia ka shërbyer thjesht si mashë në shkelje të plotë të ligjeve të vendit.
Masha e Edi Ramës për të plaçkitur të paktën 90 milionë euro, apo sipas Arben Ahmetajt 97 milionë euro.
Pra, edhe njëherë për të kuptuar se pse Lubia nuk jep dorëheqjen, për të kuptuar se si ajo, se kështu është gen kriminal, u them unë ju, gjyshi i saj ka qenë serial killer dhe kjo e tmerron Edi Ramën”, deklaroi Berisha.
Kryetari i PD-së tha se Balluku e ka kërcënoi publikisht Edi Ramën se do ta marrë me vete në burg pasi ai e ka urdhëruar të firmosë aferat korruptive me tenderat.
“Ajo i është betuar që unë të marr me vete sepse nuk jam unë, por je ti që më ke urdhëruar mua të firmos çdo gjë me këtë kompani, që na urdhërove të anulojmë tenderin.
Ajo ka përdorur një terminologji frojdiane në komunikimin me të, por e vërteta është se ajo transkriptohet se dardhat pas shpinës së Belindës i ka ngrënë Rama. Kumbullat pas shpinës së Lubisë i ka ngrënë Rama.
Kështu që siç e shihni, ajo e shqiptarëve, e vjetra, e lashta, keni parë, nuk keni parë, shkon një i vdekur me një të gjallë, janë bërë si Kostandini dhe Dhoqina”, u shpreh Berisha./Piranjat.al
