Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
POLITIKE
''SKAP është institucioni më i korruptuar në historinë e drejtësisë shqiptare''/ Berisha: Reforma e Sorosit ka dështuar
PiranjatPërditësimi i fundit 29 Tetor 2025, 13:49
Kreu i demokratëve Sali Berisha mbajti sot një konferencë për shtyp, ku hodhi akuza të forta ndaj SPAK, duke e cilësuar si një nga institucionet më të korruptuara.
Berisha tha ndër të tjera se të dhënat tregojnë dështimin e madh të reformës, e cila u krijua nga Xhorxh Soros.
Fjala e Sali Berishës
Analiza e sistemit të drejtësisë në parlament përbën ngjarjen më të veçantë, ose ngjarjen e një rëndësie të veçantë për çdo qytetar shqiptar.
Sot, të dhëna të padiskutueshme faktojnë dështimin e plotë, kolapsin e plotë të atij sistemi që i krijua në bazën e reformës së Xhorxh Sorosit në këtë vend.
Ata që e mbështetën këtë reformë, përpiqen tani me shpifje, me mashtrime dhe me forma të ndryshme të mbulojnë dështimin e tmerrshëm.
Të mbulojnë faktin se ka një vend në planet dhe jo në Mars, në të cilin zbardhja e vendimit të gjykatës kërkon 1200 ditë.
Ka një vend, dhe këtë standard e solli reforma e Xhorxh Sorosit, e bazuar në një korrupsion të paparë.
Unë i përgëzoj kryetarët e institucioneve të drejtësisë që patën kurajën t’u thonë shqiptarëve të vërtetën.
Patën kurajën që para jush në parlament të pohojnë se shqiptarët tani presin 16 vite për një proces.
Dhe se, nga një vit në vitin tjetër, ky afat është shkurtuar 16 ditë.
Ata që i imponuan Shqipërisë këtë katastrofë, nuk kanë moral, nuk kanë integritet t’u kërkojnë ndjesë shqiptarëve për shkatërrimin që i bënë një sistemi fragjil siç ishte sistemi i drejtësisë.
Ata që u premtuan shqiptarëve se do bjerë korrupsioni, unë u garantoj ju se korrupsioni është minimumi 3 gjer 5-fishuar.
Dhe se Skapi i partisë aktualisht është institucioni më i korruptuar në historinë e drejtësisë shqiptare.
Ju keni dëgjuar se njerëzit në një besim, normal, edhe opozita duke dëshmuar se qëndron luajale ndaj shtetit ligjor, ndaj shoqërisë me shtet, dërgojnë dosje të panumërta.
