Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
POLITIKE
Gazment Bardhi: Belinda Balluku nën hetim për miliona euro vjedhje, vazhdon ende të jetë numri 2 i qeverisë
PiranjatPërditësimi i fundit 29 Tetor 2025, 11:29
Kreu i Grupit Parlamentar të PD, Gazment Bardhi, ka deklaruar sot se zëvendës kryeministrja Belinda Balluku vijon të mbetet numri 2 i qeverisë “Rama” edhe pse është zyrtarisht person nën hetim nga SPAK për shkelje të barazisë në tendera.
Ai e bëri këtë deklaratë në vijim të Takimit të 20-të të Komitetit Parlamentar të Stabilizim-Asociimit Shqipëri – Bashkimi Europian, ku po zhvillohen punimet e Sesionit të II-të.
Bardhi po ashtu ka kujtuar edhe takimet në Aruba dhe lidhjet e krimit me mazhorancën në pushtet.
“Në 23 shtator një investigim i media italiane përshkruan takime të fshehta në ishullin Aruba ku sipas dokumenteve të antimafias italiane kanë marrë pjesë biznesmenë, eksponentë të krimit dhe përfaqësues të qeverisë shqiptare. Është folur në lidhje me ndërtimin e kullave në Tiranë dhe ndërtime strategjike.
Në qendër të lidhjes së krimit të organizuar me qeverinë ishte Artur Shehu. Në 2022, vetëm 2 vite pas takimit në Aruba, rezulton se në Shqipëri kompania e tij ka marrë me firmën të Ramës disa leje ndërtimi në Vlorë.
Sot qeveria shqiptare ka nr. 2 të saj, zv kryeministrja Belinda Balluku një person nën hetim për milionë euro shkelje të barazisë në tendera. Edhe pse është nën hetim vijon të jetë në krahë të Ramës dhe numri 2 i qeverisë”, tha ai.
