Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
Takimi Rama-Balluku/ Berisha: Një kacafytje 7-orëshe mes bashkë-vjedhësve më të mëdhenj të kombit!
PiranjatPërditësimi i fundit 21 Nëntor 2025, 12:25
Kryetari i PD, Sali Berisha ka reaguar sërish për takimin 7- orësh Rama–Balluku, në Kryeministri. Përmes një statusi në rrjetet sociale, Berisha shkruan se një nga momentet kulminante, në të njëjtën kohë dhe më pikane, kanë qenë debati për SMS-të, që sipas kryedemokratit, tregojnë kacafytjen mes dy bashkë-vjedhësve më të mëdhenj të kombit.
Sipas Berishës, në takim është thirrur dhe ka hyrë e dalë edhe Don Agaçio, me të cilin Belinda Balluku, thekson kreu i PD, javën e fundit ka pasur takime të përditshme (paradite), jo në Kryeministri, por në vilën e tij.
Shkrimi i plotë:
SMS-të janë gracka!
Një shtesë e detyruar, për kacafytjen verbale 7-orëshe Rama–Balluku.
Të dashur miq, para pak orësh publikova disa nga njoftimet e veshit të mureve të kacafytjes verbale të egër midis Lubi Ballukut dhe Edi Ramës, hajdutëve më të mëdhenj në historinë e kombit, në takimin më të gjatë të jetës së tyre midis mijëra syresh që kanë pasur në 25 vite miqësi dhe bashkëpunim në vjedhje.
Një ndër momentet më kulmore, por edhe më pikante, ka qenë debati për SMS-të.
Kundrejt aludimit të Belindës se në persekutimin e saj Rama u tregua indiferent ndaj vendosjes së saj nën akuzë dhe tani, sipas saj, pas shkeljeve të rënda të kushtetutës me pezullimin nga detyra, sikur të ishte magazinierja e qeverisë, ai i kërkon asaj dorëheqjen.
Në fakt, ti kërkon të lash duart me mua, ndërkohë që tuneli i Llogarasë është fillim dhe mbarim urdhër i yt i zbatuar nga unë. Rama, i hutuar, i thotë se ai kishte bindje se Lubia është e pafajshme, por prokurori i kishte thënë se SMS-të e tua me Evis Berberin ishin përvëluese, haptas fare madje, dhe nuk mund të injoroheshin.
“Gënjeshtra, gënjeshtra!” – ia ktheu me tërbim Lubia. “Kujt i flet ti për SMS? Po të ishte për SMS, në vend timin duhet të ishe ti! Po, ti e di që në dosje janë me dhjetëra e dhjetëra SMS 69 siç më tregoi Pamela se ajo i kishte numëruar, që ti i ke dërguar Evis Berberit për tunelin dhe që faktojnë se rvisi dhe unë jemi koka turku sepse vetëm kemi zbatuar urdhrat tuaj, kurse tani më thua se fakti penal qenkan SMS-të e mia me Visin.
Pa më thuaj pak, pse SMS-të e mia me Evisin qenkan provë krimi për ty dhe Preçin, kurse SMS-të tuaj, në të cilat ju urdhëroni për të gjitha veprimet Evisin, nuk janë provë krimi? Kjo nuk kalohet! SMS-të janë në dosje dhe jo vetëm në dosje. Koka turku se kam zbatuar urdhrat tuaj nuk bëhem unë. Të them se do vish edhe ti me mua!”
Pas largimit të Ramës për darkë, ai i kërkon Lubisë një takim tjetër pas darke; veshi i mureve nuk ka njoftuar informacione për takimin e pas-darkës.
P.S. Në takim, përveç Uluziut që u thirr dëshmitar në sherrnajën shumë-orëshe të fazës finale të divorcit politik më të dhimbshëm në historinë e vendit të bashkë-vjedhësve më të mëdhenj në historinë e kombit, në takim është thirrur dhe ka hyrë e dalë edhe Don Agaçio, me të cilin Lubia javën e fundit ka pasur takime të përditshme (paradite), jo në Kryeministri, por në vilën e tij.
