Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
“SPAK e ka zhdukur dosjen e McGonigal”, Kalaja: Do e kallëzoj Dumanin për shpërdorim detyre dhe pengim në zbardhjen e të vërtetës!
PiranjatPërditësimi i fundit 13 Tetor 2025, 11:55
Kryetarja e Komisionit të Apelimit dhe Vlerësimit të Statusit në PD, Adriana Kalaja foli për mediat pranë ambienteve të SPAK-ut, në lidhje me çështjen McGonigal.
Ajo deklaroi se të gjitha kërkesat e saj për informacion në lidhje me këtë çështje nuk kanë marrë përgjigje.
Në fund Kalaja deklaroi se do të kallëzojë kreun e SPAK-ut, Altin Dumanin për shpërdorim detyre, veprime arbitrare dhe veprime që pengojnë zbardhjen e të vërtetës.
“Më 18 mars 2025 kërkova informacion në SPAK për çështje McGonigal. Teksa më 29 maj i depozitova sërish një kërkesë për informacion dhe nuk mora përgjigje, duke shkelur afatet për informacion. Më 29 Maj, ditën kur unë bëj kërkesën e dytë, zoti Dumani më kthen përgjigje se nuk më jep informacion, pasi këtë informacion do ia japë vetëm kallëzuesit Gazment Bardhi. Unë këtu nuk vij me emrin tim personal, por vij në emrin e PD. Kërkesën e dytë që i bëra SPAK-ut ja bëra me dije edhe Ambasadës Amerikane. Në përgjigjen e 4 qershorit thotë se ne ua kemi dhënë përgjigjen. Më 16 qershor bëj sërish kërkesë, por nuk më erdhi përgjigja. Teksa më 28 gusht më vjen përgjigja e datës 3 tetor ku thotë se kallëzimi i Gazment Bardhit është regjistruar. E gjithë pikëpyetja shkon në faktin se Dumani është në pamundësi reale për të kthyer përgjigje për këtë dosjes, sepse sipas burimeve të brendshme kjo dosje është zhdukur. Unë sot i kërkoj Dumanit të na thotë se çfarë ka ndodhur me këtë dosje? Sfidoj zotin Dumani, dua informacion shterues se çfarë është bërë me kallëzimin penal për McGonigal. Unë do të kallëzoj Altin Dumanin shpërdorim detyre, veprime arbitrare dhe veprime që pengojnë zbardhjen e të vërtetës”-deklaroi ajo.
