Viktor Bardhi i vrarë mëngjesin e sotëm në Mirditë është vëllai i Martin Bardhit, i mbetur viktimë e një ate...
POLITIKE
“S’po kërkojmë që të na jepet një vend falas, asnjë tryezë ”, Rama në forumin e liderëve EU-WB6: Duam të integrohemi
PiranjatPërditësimi i fundit 13 Tetor 2025, 12:33
Në Tiranë nisi sot forumi i Investimeve EU–WB6, ku janë mbledhur liderë ballkanik dhe të BE. Kryeministri Edi Rama gjatë fjalës drejtuar forumit, theksoi se Ballkani Perëndimor, duhet të kthehet në potencial.
“Me rëndësi është energjia sipërmarrëse që nuk i trembet të nesërmes. Horizonti i ri për mua do të thotë një vend ku gjendet një novacion i ri. Një nevojë e përditshme. Jo vend ku projektet që të shkojnë nga ideja në realizim më lehtë.
Ku sektori privat dhe qeveria nuk lëvizin në vija paralele, por takohen në një pikë të veçante. Nuk duhet shumë shkencë, por kurajë për të kuptuar se Ballkani Perëndimor mund të bëhet strehë e rezistencës për të prodhuar të ardhmen. Le ta them troç. Europa se ka luksin të varet nga ajo që nuk kontrollon dot. Dhe ne në Ballkan s’kemi luksin të quhemi vetëm; potencial. Por le ta quajmë veten zhvillim. Një zonë të përbashkët të ekosistemit të ri.
Ne e dimë vendin tonë, s’po kërkojmë që të na jepet një vend falas, një tryezë, por duam të integrohemi. Ne nuk kërkojmë bamirësi, por vizion për të krijuar qëndresë. Nevoja është këtu sepse kriza ka ardhur tashmë.”, tha ai.
