Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Strasburg/ Berisha takon Presidentin e PACE, Roussopoulos: Shqipëria, narkoshteti i parë dhe i vetëm në Europë
PiranjatPërditësimi i fundit 2 Tetor 2025, 14:43
Kryetari i Partisë Demokratike të Shqipërisë, Sali Berisha, zhvilloi sot një takim me Presidentin e Asamblesë Parlamentare të Këshillit të Evropës (PACE), Theodoros Roussopoulos. Në takim u diskutua në lidhje me pasojat dramatike të narkodiktaturës në rrënimin e shtetit ligjor, shpopullimin masiv dhe vendosjen e narkoekonomisë në Shqipëri.
Berisha e nisi takimin duke i shprehur mirënjohjen e tij të sinqertë Presidentit Roussopoulos dhe Asamblesë së PACE për mbështetjen e palëkundur ndaj aspiratave evropiane të Shqipërisë dhe institucioneve të saj demokratike. Ai theksoi rolin thelbësor që luan Asambleja në mbrojtjen e të drejtave dhe lirive themelore në të gjithë kontinentin, përfshirë Shqipërinë, ku faktikisht është vendosur diktatura autoritare e Edi Ramës e bazuar në drogën dhe kartelet e saj.
Gjatë takimit, Berisha ngriti disa çështje urgjente:
Ai evidentoi abuzimin sistematik me pushtetin nga ana e Edi Ramës, persekutimin e opozitës, kapjen e cdo institucioni.
Ekonomia e drogës dhe kapja e shtetit: Berisha ngrit shqetësimin që Shqipëria tashmë është konfirmuar si i vetmi narco-shtet në Evropë, ku trafiku i drogës, kartelet e drogës ushqejnë njëkohësisht krimin e organizuar dhe korrupsionin politik. Bashkëpunimi i qeverisë me rrjetet kriminale ka shkatërruar çdo shtyllë të qeverisjes dhe ka deformuar ekonominë kombëtare duke i sjellë dëme të pariparueshme Shqipërisë.
Shpopullimi masiv: sipas Eurostat, Shqipëria vetëm në zonën e Shengenit, në 10 vite ka humbur mbi 1,099 milionë qytetarë, me të rinjtë dhe profesionistët që largohen masivisht për shkak të mungesës së shpresës, pasigurisë dhe mungesës së mundësive. Vendi përballet me një kolaps demografik të pakthyeshëm.
Rënia ekonomike dhe kolapsi i eksporteve: Zhvlerësimi i madh i Euros nga futja me kontejnerë, autobuza, mikrobuza e narkoeurove ka shkaktuar rënien e madhe të eksporteve, prodhimit industrial dhe atij bujqësor dhe turizmit në Shqipëri.
Pastrimi i parave të drogës: Pas marrëveshjeve të narkoqeverisë me kartelet shqiptare të drogës aktualisht më të fuqishme në Europë, Shqipëria është shndërruar në parajsën e larjes së miliardave të eurove të drogës të këtyre karteleve. Treguesi i ndërtimit në Shqipëri është 300% më i lartë se mesatarja e BE, e megjithatë çmimet e apartamenteve në kullat dhe pallatet e drogës vetëm rriten.
Manipulimi zgjedhor: Berisha shprehu shqetësim të thellë për farsën zgjedhore parlamentare të vitit 2025, ku kandidatë të Partisë Socialiste me lidhje të padiskutueshme me krimin rezultuan më të votuarit, mes provave serioze për blerje votash, manipulim të votës së diasporës dhe përdorim të burimeve shtetërore për qëllime elektorale. Ndërkohë, tashmë janë të njohura dhe publike faktet që Edi Rama dhe Ministria e Jashtme po lobon dhe shantazhon për ndryshimin e raportit preliminar të OSBE/ODIHR për zgjedhjet në Shqipëri.
Moszbatimi i vendimeve të Gjykatës Kushtetuese dhe gjykatave te tjera nga Edi Rama: Së fundmi, Berisha dënoi refuzimin e vazhdueshëm të qeverisë për të zbatuar vendimet e Gjykatës Kushtetuese. Ky refuzim I hapur e flagrant konfirmon se pushteti gjyqësor është thjesht formal. Berisha e konsideroi një tjetër provokim skandaloz emërimin e Olta Xhaçka në krye të Delegacionit Shqiptar në PACE, pavarësisht se për të ka dy vendime të Gjykatës Kushtetuese dhe një opinion të Komisionit të Venecias të pazbatuar.
Berisha bëri thirrje për një vëmendje më të shtuar nga PACE dhe të gjitha institucionet demokratike ndërkombëtare ndaj narkoregjimit autokratik në Shqipëri, si dhe për mbështetje në rikthimin e rendit demokratik, pavarësisë së drejtësisë dhe organizimin e zgjedhjeve të lira dhe të ndershme.
Presidenti Roussopoulos rikonfirmoi angazhimin e PACE ndaj vlerave demokratike dhe shprehu gatishmërinë për të ndjekur nga afër çështjet alarmante të ngritura gjatë takimit.
