Kongresmenja demokrate amerikane Alexandria Ocasio-Cortez ka reaguar lidhur me protestat në Shqipëri, duke i bërë thirrje qeverisë sh...
POLITIKE
Takimi i Komunitetit Politik Evropian në Tiranë, Këshilli i Ministrave miraton fond shtesë për organizimin e samitit më 16 maji
n.fPërditësimi i fundit 4 Prill 2025, 20:37
TIRANË- Në mbledhjen e sotme të Këshillit të Ministrave është miratuar një fond shtesë për organizimin e samitit më 16 maji në Tiranë, ku do të zhvillohet takimi i Komunitetit Politik.
Në vendim theksohet se është miratuar një fond 92 828 000 lekë të cilat janë ndarë për shërbime të ndryshme. Mësohet se policia e Shtetit do të ketë një fond prej 44 168 000 lekësh ndërsa Garda e Republikës 48 660 000 lekë.
Drejtoria e Shërbimeve Qeveritare ka një fond prej 360 045 000 lekësh. Me tej në vendim theksohet se efekti financiar, prej 452 873 000 lekësh, përballohet nga fondi rezervë i buxhetit të shtetit, miratuar për vitin 2025.
VENDIM PËR NJË SHTESË FONDI NË BUXHETIN E VITIT 2025, MIRATUAR PËR MINISTRINË E BRENDSHME DHE DREJTORINË E SHËRBIMEVE QEVERITARE, PËR PËRBALLIMIN E SHPENZIMEVE TË ORGANIZIMIT TË TAKIMIT TË NIVELIT TË LARTË TË KOMUNITETIT POLITIK EVROPIAN (EPC), TË DATËS 16 MAJ 2025
Në mbështetje të nenit 100 të Kushtetutës, të neneve 5 e 45, të ligjit nr.9936/2016, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 14, të ligjit nr.115/2024, “Për buxhetin e vitit 2025”, me propozimin e ministrit të Financave, Këshilli i Ministrave
1. Në buxhetin e miratuar për vitin 2025, për përballimin e shpenzimeve të organizimit të Takimit të Nivelit të Lartë të Komunitetit Politik Evropian (EPC), që do të organizohet në Tiranë, në datën 16 maj 2025, bëhet shtesë fondi, si më poshtë vijon:
a) Ministrisë së Brendshme, fondi prej 92 828 000 (nëntëdhjetë e dy milionë e tetëqind e njëzet e tetë mijë) lekësh, i ndarë:
i. Për programin “Policia e Shtetit”, në zërin “Shpenzime korrente”, fondi prej 44 168 000 (dyzet e katër milionë e njëqind e gjashtëdhjetë e tetë mijë) lekësh; ii. Për programin “Garda e Republikës”, në zërin “Shpenzime kapitale”, fondi prej 48 660 000 (dyzet e tetë milionë e gjashtëqind e gjashtëdhjetë mijë) lekësh.
b) Drejtorisë së Shërbimeve Qeveritare, fondi prej 360 045 000 (treqind e gjashtëdhjetë milionë e dyzet e pesë mijë) lekësh.
2. Efekti financiar, prej 452 873 000 (katërqind e pesëdhjetë e dy milionë e tetëqind e shtatëdhjetë e tre mijë) lekësh, përballohet nga fondi rezervë i buxhetit të shtetit, miratuar për vitin 2025.
3. Ngarkohen Ministria e Financave, Ministria e Brendshme dhe Drejtoria e Shërbimeve Qeveritare për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
