Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Të rezistojmë sepse e drejta do të vijë", Teliti: 6 ditë na ndajnë nga dita kur do zbrazim këtë godinë dhe Kryeministrin!
n.fPërditësimi i fundit 5 Korrik 2024, 12:36
Teliti
TIRANË- Nënkryetari i Këshillit Bashkiak, njëkohësisht edhe këshilltari ekonomik i PD-së, Dorian Teliti ka marrë pjesë në protestën e ditës së sotme para bashkisë së Tiranës. Teliti gjatë fjalës së tij u shpreh se Tirana nuk ka vend për abuzues e hajdutë por vetëm për ndershmërinë.
Ai shtoi se me 11 korrik e gjithë Shqipëria do të mbushë bulevardin për të dhënë një mesazh të qartë e të fortë që nuk e do më këtë mazhorancë dhe e vetmja rrugë është krijimi i qeverisë teknike dhe zgjedhje të lira e të ndershme.
"Ndodhemi sot para godinës së korrupsionit që po shkërmoqet nga forca e rezistencës qytetare. Tirana nuk ka vend për abuzues e hajdutë por vetëm për ndershmërinë. Ju policë që sot ruani godinën e krimit thirrini mendjes.
Pak ditë na ndajnë nga 11 korriku, ku e gjithë Shqipëria do të mbushë bulevardin për të dhënë një mesazh të qartë e të fortë që Tiran e gjithë Shqipëria nuk e do më këtë mazhorancë dhe e vetmja rrugë është krijimi i qeverisë teknike dhe zgjedhje të lira e të ndershme.
6 ditë na ndajnë nga dita kur do zbrazim këtë godinë dhe Kryeministrinë. Të rezistojmë sepse e drejta do të vijë dhe do të jetë me qytetarët”, tha ai.
