Këtë të enjte, një ditë pas aksidentit tragjik, do t’i jepet lamtumira e fundit ish-banorit të Big Brother VIP Kosova, Lau...
POLITIKE
"Të rinjtë do të jenë pjesë substanciale e qeverisjes tonë", Berisha: Kemi nevojë për kontributin e tyre
r.llPërditësimi i fundit 30 Mars 2025, 11:33
sali berisha
TIRANË- Kryedemokrati Sali Berisha tha se vitet e fundit jemi përballur me një largim të madh të të rinjve nga vendi. Gjatë fjalës së tij në tryezën e diskutimit me temë "Riktheni të rinjtë shqiptarë përsëri në atdhe", Berisha u shpreh se patronazhistët zëvendësuan të rinjtë që u punësuan në administratë në vitet 2005-2013. Më tej ai tha se të rinjtë do të jenë pjesë substanciale e qeverisjes së tyre dhe se i nevojshëm kontributi që ata japin.
"Jam mirënjohës dhe jam i prekur në punën që ka bërë Andi dhe kolegët e tij, kanë punuar në vende të ndryshme dhe kanë arritur të tregojnë praninë e përhershme në jetën e PD-së dhe Shqipërisë. Ata janë një simbol i atdhedashurisë, sepse ata kanë punët e tyre, jetën e tyre, por ata kanë kaluar shumë kohë dhe janë angazhuar me PD-në, njësoj sikur të ishin në Shqipëri. Ideja e kthimit të trurit, u diktua prej largimit të trurit.
Ne u përballëm me një largim, një eksod të madh gjatë viteve të fundit. Në këtë kontekst për ne kthimi i shqiptarëve na e ka bërë më të vështirë komunikimi me ta, është i një rëndësie të veçantë. Në vitet 2005-2013, kur filluam administratën kishim gjithsej 1.5 përqind të punësuar që kishin përfunduar jashtë Shqipërisë dhe kur përfunduam projektin e kthimit të trurit e mbaruam me 21 përqind në administratë.
Më tepër se 50 përqind e tyre iu shtuan stafit akademik të universiteteve, shqiptarë që vinin nga vende të ndryshme. Më pas ata u zëvendësuan nga militantë dhe patronazhistë, meqenëse ishin shumë të angazhuar me dijet e tyre. Njoh shumë prej tyre të cilët kanë ikur dhe punojnë në vende të tjera. Por ne nuk duhet të shkurajohemi, por të punojmë që gjërat të shkojnë më mirë.
Ajo që departamenti tregoi, duke punuar si opozitë punoi shumë më mirë për tu afruar pranë të rinjve dhe ka meritën e padiskutueshme që është afruar me të rinjtë. Këta të rinj do të jenë pjesë substanciale e administratës së ardhshme. Do të jenë pjesë substanciale e qeverisjes tonë dhe ne kemi shumë nevojë për kontributin e të rinjve. Ai kontribut është jetik. Misioni nuk mund të realizohet pa energjinë dhe ëndërrat tuaja. Dhe ëndërrat tuaja do ti japin të ardhmen këtij vendi.", tha Berisha.
