Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
POLITIKE
Teliti akuza qeverisë: 125 milionë euro për PPP-të në 2026, më shumë se për pensionistët dhe familjet në nevojë
PiranjatPërditësimi i fundit 8 Nëntor 2025, 11:19
Këshilltari ekonomik i Partisë Demokratike, Dorian Teliti, ka kritikuar projektbuxhetin e vitit 2026, duke e konsideruar atë si një dokument që favorizon klientelën e qeverisë përmes kontratave të koncesioneve dhe partneriteteve publike-private (PPP).
Teliti shkruan në rrjetet sociale se rreth 125 milionë euro nga fondet publike parashikohen t’u dedikohen PPP-ve vitin e ardhshëm, duke kapërcyer ndjeshëm buxhetet e planifikuara për indeksimin dhe bonuset e pensionistëve, si edhe fondet për ndihmën ekonomike të familjeve në varfëri ekstreme.
Teliti hedh akuza se PPP-të do të përfitojnë 2.5 herë më shumë se totali i mbështetjes ekonomike për 61 mijë familje në situatë të vështirë, ndërsa shembujt e kontratave problematike nga check-up-i te sterilizimi dhe inceneratorët tregojnë se buxheti po kthehet në një “portofol privat” të pushtetit.
Postimi i plotë:
PPP-të MBETEN "THESAR" I PUSHTETIT EDHE PËR 2026!
Fakt: 125 milionë euro nga buxheti i shqiptarëve për koncesione/PPP për vitin 2026.
Fakt: PPP 2026 marrin më shumë fonde se indeksimi dhe bonusi i pensionistëve.
Fakt: PPP 2026 marrin 2.5 herë më shumë fonde se totali i ndihmës ekonomike për 61 mijë familje në varfëri ekstreme.
Nga check-up te sterilizimi e deri te inceneratori që nuk ekziston, paratë e shqiptarëve do shkojnë për klientelën e qeverisë.
