Numri i viktimave nga tërmetet e fuqishme që goditën Venezuelën më 24 qershor ka arritur në 5,278, sipas bilancit më të...
POLITIKE
"Ti gjysmën e qeverisë e ke në burg"/ Rama: Si i numërove? Korrupsioni është sëmundje që prek dhe ata që qeverisin
I.APërditësimi i fundit 4 Shkurt 2025, 09:46
TIRANË- Kryeministri Edi Rama i është përgjigjur një komentuesi në lidhje me zyrtarët dhe ministrat e qeverisë së tij që ndodhen në burg ose nën akuzë. Gjatë fjalës së tij në mëngjes, Rama ka deklaruar se korrupsioni është një sëmundje e vendit që prek dhe qeveritarët. Ndërkohë që ka theksuar se për këtë arsye, ata kanë bërë drejtësinë e re, në mënyrë që të përballen me këtë sëmundje.
"Nuk e di ku e gjetë këtë, si i numërove. Unë kam pasur në qeveri afro 60 ministra. Nuk e di se bëhet numërimi. Nëse kemi krijuar kapacitetin shtetëror për të goditur fenomenin kanceror të korrupsionit, kjo është për të marrë frymë thellë dhe për t’u ndjerë më mirë. Më në fund u çliruam nga makthi për të jetuar në një shtet ku drejtësia funksionon. Ky është një vullnet i hekurt për t’u përballur më një sëmundje që prek edhe ata që qeverisin, duke lejuar dhe mbështetur drejtësinë e pavarur të bëjë operacionet e veta që qeveria të jetë e çliruar nga tentakulat e korrupsionit. Më në fund po bëjmë një shtet të së drejtës, dhe kush po e bën këtë? Noc rroku? Kush po e bën? Është fare e thjeshtë kjo besoj,” tha Rama.
